17:51, Saturday, 06.06.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ადამიანის უფლებათა სახლმა მშვიდობის საერთაშორისო დღე აღნიშნა

21.09.2011

მარიამ იმერლიშვილი

21 სექტემბერი მშვიდობის საერთაშორისო დღეა. „მშვიდობის დღე უნდა ეძღვნებოდეს მშვიდობის იდეალის გაძლიერებასა და უკვდავყოფას როგორც ერებს, ასევე ხალხებს შორის... ეს დღე იქნება შეხსენება ყველა ხალხისთვის, რომ გაერო არის ცოცხალი ინსტრუმენტი მშვიდობის სამსახურად და ის უნდა ემსახურებოდეს თითოეულ ჩვენთაგანს და გვახსენებდეს ჩვენს ვალდებულებას, რომ ყველა ინტერესსა და განსხვავებულობის მაღლა დგას მშვიდობა“, - ნათქვამია გაეროს რეზოლუციაში, რომელიც 1981წელს მიიღეს. 

1982  წელს ეს დღე პირველად აღინიშნა. 2002 წელს კი 21 სექტემბერი მშვიდობის საერთაშორისო დღედ ოფიციალურად გამოცხადდა. ამ დღეს მილიონობით ადამიანი აღნიშნავს მსოფლიოს მრავალ კუთხეში. მართავენ სიმბოლურ ღონისძიებებს. შეიძლება ეს იყოს უბრალო მეგობრული შეკრება, კონცერტები და ფორუმები, რომლებშიც ასობით ათასი ადამიანი მონაწილეობს.

თბილისის ადამიანის უფლებათა სახლის ორგანიზებით მშვიდობის დღე აღინიშნა თბილისშიც. 21 სექტემბერს რუსთაველის ძეგლთან გაიმართა სამშვიდობო აქცია. აქციის მონაწილეებმა ჰაერში გაუშვეს 21 ბუშტი ქართულ, აფხაზურ და ოსურ ენებზე დაწერილი მშვიდობის მესიჯებით. აქციაში მონაწილეობდნენ სტუდენტები, არასამთავრობო ორგანიზაციებისა და მედიის წარმომადგენლები.

„ადამიანის უფლებათა სახლი და მისი წევრი ორგანიზაციები ასე აღვნიშნავთ 21 სექტემბერს   -  სიმბოლური ბუშტებით და მესიჯებით. ჩვენ გვინდა ქართველ, ოს და აფხაზ ხალხს შორის სამშვიდობო პროცესები დაიწყოს და გაღრმავდეს“, - აღნიშნა ადამიანის უფლებათა სახლის კოორდინატორმა ნინო ღვედაშვილმა.

„ძალიან დიდი იმედი გვაქვს, რომ აფხაზები და ოსები ჩვენს მესიჯებს სწორად და გულთბილად მიიღებენ, რადგან მწამს, რომ ჩვენი გულები ჯერ კიდევ არ გაციებულა ერთმანეთის სიყვარულით. ჩვენ საუკუნეების განმავლობაში ვიყავით მეგობრები და აუცილებელია, ეს ურთიერთობა აღდგეს და შენარჩუნდეს. არაფერი გვაქვს საომარი“, - განაცხადა ადამიანის უფლებათა ცენტრის წარმომადგენელმა ნინო ტლაშაძემ.

სიმბოლური აქციის გარდა,მშვიდობის კვირეულის ფარგლებში, რომელიც 23 სექტემბრამდე გაგრძელდება, დაგეგმილია აგრეთვე მრგვალი მაგიდები, მშვიდობის თემებზე შექმნილი დოკუმენტური ფილმების განხილვები და ა.შ.


Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC