დუშეთის რაიონის სოფელ ოძისიდან გატაცებული სამი ადამიანი 52 წლის პაატა ჯავახიშვილი, 35 წლის გიორგი გურგენიშვილი და კიდევ ერთი პირი, რომლის ვინაობაც ამ დრომდე უცნობია, ოსმა სამართალდამცავებმა ცხინვალის იზოლატორში გადაიყვანეს.
როგორც მცხეთა - მთიანეთის საინფორმაციო ცენტრს ახალგორის რაიონის გამგეობაში განუცხადეს, ოსმა სამართალდამცავებმა ოძისის მაცხოვრებლები საზღვრის უკანონო გადაკვეთის ბრალდებით დააკავეს. დაკავებულებისთვის ბრალი ჯერ არ წარუდგენიათ და არც წინასწარი პატიმრობა აქვთ შეფარდებული.
სოფელ ოძისიდან 3 ადამიანი 11 ოქტომბერს დილით გაიტაცეს.
„ჩემი ძმა დილით ტყეში წავიდა ფიჩხის მოსაგროვებლად. თან ვირიც წაიყვანა. საღამოს რომ არ დაბრუნდა, მოსაძებნად წავედი. ვირი ვიპოვე, ჩემი ძმა კი არსად იყო. როგორც მითხრეს, რუსებს წაუყვანიათ“, - განუცხადა მცხეთა-მთიანეთის საინფორმაციო ცენტრს დაკავებული პაატა ჯავახიშვილის ძმამ მამუკა ჯავახიშვილმა.
სოფელი ოძისი ახალგორის მოსაზღვრე ბოლო ქართული სოფელია. სოფლიდან ერთ კილომეტრში ახალგორის რაიონის სოფელი ახმაჯი იწყება.
ინტერპრესნიუსი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
