06:12, Thursday, 17.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ნანა კაკაბაძე: „ჟურნალისტებო, იგივე ფორმით რატომ არ აქტიურობთ სააკაშვილის პრესკონფერენციაზე?“

03.11.2011

არასამთავრობო ორგანიზაციის „ყოფილი პოლიტპატიმრები - ადამიანის უფლებებისთვის“ ერთ-ერთი ლიდერი ნანა კაკაბაძე ჟურნალისტებს ათ კითხვას უსვამს.

უფლებდამცველი ჟურნაისტებისგან პასუხს ითხოვს,  მიხეილ სააკაშვილი, გიგა ბოკერიას, ვანო მერაბიშვილის, ზურაბ ადეიშვილის და სხვა მაღალი თანამდებობის პირთა პრესკონფერენციებზე აძლევენ თუ არა დამატებითი შეკითხვების დასმის უფლებას და იმ ფორმით რატომ  არ აქტიურობენ მათ პრესკონფერენციებზე, რა ფორმითაც ბიძინა  ივანიშვილის პრესკონფერენციაზე იაქტიურეს.

„მე მინდა გკითხოთ - იცით თუ არა, რომ ჟურნალისტის უპირველესი მოვალეობა ობიექტურობაა? 230 ჟურნალისტიდან რამდენს გქონიათ საშუალება, შეხვედროდით და მწვავე კითხვები დაგესვათ ამ ქვეყნის რომელიმე რეალური მმართველისადმი - მიხეილ სააკაშვილისათვის, გიგა ბოკერიასათვის, ვანო მერაბიშვილისათვის ან ზურაბ ადეიშვილისთვის? გაქვთ თუ არა აღნიშნულ პირებთან ისეთ ღია პრესკონფერენციაზე შეხვედრისა და კითხვების დასმის მოთხოვნილება, როგორც ეს მოხდა ბიძინა ივანიშვილთან? პრეზიდენტის პრესმდივნის ან რომელიმე მინისტრის მიერ მოწყობილი პრეს-კონფერენციისას გაქვთ თუ არა მათთან კითხვების დასმისას „ჩაკითხვის“ ან კითხვის დასმის შემდეგ „გასაუბრების“ გაგრძელების უფლება ან ამაზე პრეტენზია?“ - ნათქვამია ნანა კაკაბაძის მიმართვაში.

კაკაბაძე ასევე ინტერესდება: ოდესმე გასჩენიათ თუ არა პროტესტი (ან მით უმეტეს, გამოუთქვამთ თუ არა)  რომელიმე სამთავრობო დაწესებულებაში შესვლისას  მათი  პირადი ჩხრეკის გამო? და რატომ არ ჰქონდათ 2007 წელს ტელეკომპანია „იმედის“ დარბევასთან დაკავშირებით  ისეთი უკიდურესი და თავგანწირულობამდე მისული პროტესტი, როგორც ამას  ბიძინა ივანიშვილის პრეს-კონფერენციაზე მიკროფონის მოსაპოვებლად აკეთებდნენ?

„ოდესმე გაგჩენიათ სურვილი, მიხეილ სააკაშვილისათვის გეკითხათ, არის თუ არა ის რუსეთის პოლიტიკის გამტარებელი საქართველოში? ნებით ჩააბარა თუ არა ქვეყნის ტერიტორიის 20% რუსეთს? რატომ გადასცა მტრულად გამოცხადებულ ქვეყანას ქვეყნის ეკონომიკის ყველაზე მომგებიანი სფეროები? ოდესმე დაგისვამთ შეკითხვა ქვეყნის პირველი პირისადმი, ვინ იყო 2007 წლის 7 ნოემბერს და 2011 წლის 26 მაისს ქართველი როდიონოვი, ან როდის დაისჯებიან ჩადენილი დანაშაულის ადეკვატურად სანდრო გირგვლიანის, ბუტა რობაქიძის, ზურაბ ვაზაგაშვილის, გიორგი გამცემლიძის და ქუჩაში უდანაშაულოდ  ჩახოცილი სხვა ბიჭების მკვლელები?  როგორც საქართველოს მოქალაქეებს, გაგჩენიათ თუ არა კითხვა, რატომ არიან ხელისუფლებაში და პრეზიდენტთან მეგობრულ ურთიერთობებში გირგვლიანის, ჟვანიასა და სხვათა მკვლელები, ან რატომ არიან ხელისუფლებაში წაგებული ომის „მთავარსარდალი“ და „გენერლები?“ - ნათქვამია ნანა კაკაბაძის განცხადებაში.

მედიანიუსი

ორიგინალი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC