21:51, Thursday, 24.04.2014
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

დაფუძნდა კოალიცია „არჩევანის თავისუფლებისთვის“

17.11.2011

ინტერპრესნიუსი

ქართულმა არასამთავრობო ორგანიზაციებმა კოალიცია „არჩევანის თავისუფლებისთვის“ დააფუძნეს. როგორც მედიასახლ „პალიტრის“ საკონფერენციო დარბაზში დღეს გამართულ პრესკონფერენციაზე გახდა ცნობილი, კოალიცია 8 არასამთავრობო ორგანიზაციას და ორ ექსპერტს აერთიანებს.

კოალიციის წევრები არიან ექსპერტი საარჩევნო საკითხებში ირაკლი მელაშვილი; მედია ექსპერტი ზვიად ქორიძე; სამოქალაქო კულტურის საერთაშორისო ცენტრის წარმომადგენელი კოტე კანდელაკი; ადამიანის უფლებათა ცენტრის ხელმძღვანელი უჩა ნანუაშვილი; საქართველოს მედია მონიტორინგის ცენტრის წარმომადგენელი ია მამალაძე; კონფლიქტებისა და მოლაპარაკებების საერთაშორისო კვლევითი ცენტრიდან გიორგი ხუციშვილი; კავკასიის ეკონომიკური და სოციალური კვლევითი ინსტიტუტიდან დავით ნარმანია; საქართველოს მედია კლუბის ხელმძღვანელი მაგდა პოპიაშვილი; ადგილობრივი დემოკრატიის ქსელის ცენტრის წარმომადგენელი დავით ლოსაბერიძე; სამოქალაქო განათლების რესურს-ცენტრის წარმომადგენელი მურმან პატარაია.

როგორც საქართველოს მედია კლუბის ხელმძღვანელმა მაგდა პოპიაშვილმა განაცხადა, მორიგი საპარლამენტო არჩევნების ჩატარებამდე ერთ წელზე ნაკლები დრო რჩება და აუცილებელია ქვეყანაში სამართლიანი და კონკურენტული საარჩევნო გარემოსთვის აუცილებელი საკანონმდებლო ბაზის ჩამოყალიბება.

მისი თქმით, პრობლემები რჩება მედიის თავისუფლებისა და ადამიანის უფლებების დაცვის საკითხებში.

„მათი გადაჭრის გარეშე არჩევნებზე ამომრჩეველთა თავისუფალი ნების დაფიქსირება შეუძლებელია. შექმნილ ვითარებაში განსაკუთრებით დიდი მნიშვნელობა აქვს საზოგადოებრივი ორგანიზაციების და საზოგადოების აქტიურ ჩართვას ნორმალური საარჩევნო გარემოს ფორმირების პროცესში. საარჩევნო გარემოს მონიტორინგი უნდა დაიწყოს ახლა და არა არჩევნების დანიშვნის შემდეგ“, - განაცხადა მაგდა პოპიაშვილმა.

კოალიცია „არჩევანის თავისუფლებისთვის“ პრობლემურ საკიხებზე რეკომენდაციებს შეიმუშავებს და უფლებამოსილ ორგანოებს მათზე რეაგირებისთვის მიმართავს.

კოალიციის წარმომადგენლები ამბობენ, რომ საარჩევნო გარემოს გაუმჯობესებისთვის ბრძოლაში ითანამშრომლებენ როგორც ქართულ, ისე საერთაშორისო საზოგადოებრივ ორგანიზაციებთან, პოლიტიკურ პარტიებთან და დიპლომატიურ კორპუსთან. დაგეგმილია რეგიონებში გასვლაც და აქტიური თანამშრომლობა ადგილობრივ არასამთავრობო და მედიაორგანიზაციებთან.

კოალიცია „არჩევანის თავისუფლებისთვის“ განცხადება

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
თქვენი აზრით, ირღვევა თუ არა წინა ხელისუფლების ყოფილი მაღალჩინოსნების უფლებები?
ირღვევა არ ირღვევა არა ვარ ინფორმირებული მიჭირს პასუხის გაცემა

ბლოგი

მშიერი კომისიის წევრები და გაბრაზებული თავმჯდომარეები ბათუმში
არჩვენებს 2003 წლიდან ვაკვირდები. არც ერთი არჩევნები არ გამომიტოვებია, რასაც ვერ ვიტყოდი ჩემი საარჩევნო ხმის უფლების გამოყენებაზე - ყველა არჩევნებზე, იმის გამო რომ
ვრცლად...
ბეჭედი ნაკვეთურის გარეშე და ორსახელიანი ამომრჩეველი გურიაში
პირველად დამკვირვებლის სტატუსით
არქივი
    

რედაქტორის აზრი

პატიმართა მასობრივი პროტესტის მიზეზები
ბოლო ხანს მედიაში ერთ-ერთი აქტუალური თემაა პატიმართა პროტესტი გეგუთის კოლონიაში. ასობით პატიმარი პროტესტის სხვადასხვა ზომებს მიმართავს და კოლონიის დირექტორის გადაყენებას მოითხოვს. ისინი საპატიმროს
ვრცლად...
შემოდგომის ბუზი
ადამიანის უფლებათა ცენტრი მაღალჩინოსნების სასამართლო პროცესებს დააკვირდება
არქივი
თემები
კატეგორიები

Copyright © 2004 - 2014 HRIDC