06:03, Thursday, 17.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

„მაესტროს“ ჟურნალისტები სახალხო დამცველისგან რეაგირებას ითხოვენ

05.12.2011
ტელეკომპანია „მაესტროს“ ჟურნალისტები სახალხო დამცველისგან პროფესიული საქმიანობის განხორციელებაში ხელის შეშლის ფაქტებზე რეაგირებას ითხოვენ.

ამასთან დაკავშირებით ჟურნალისტებმა სახალხო დამცველის აპარატს სპეციალური განცხადებით მიმართეს. განცხადებას "ინტერპრესნიუსი" უცვლელად გთავაზობთ.

„მოგეხსნებათ, რომ ტელეკომპანია "მაესტროს" თანამშრომლებს უკვე რამდენიმე დღეა არ გვეძლევა საშუალება, სრულფასოვნად ვაწარმოოთ ჩვენი პროფესიული საქმიანობა, რადგანაც ამ დრომდე ტელეკომპანიის შენობაში იმყოფებიან ეროსი კიწმარიშვილის თანმხლები, ჩვენთვის უცნობი პირები. ტელეკომპანიის თანამშრომლებმა განცხადების სახით, არაერთხელ მიმართეს მხარეებს მოლაპარაკებისთვის, ხოლო დაუდგენელ პირებს ტერიტორიის დატოვების თხოვნით, რაც აშკარად ხელს უშლის ჟურნალისტურ საქმიანობას.

მოგეხსენებათ, რომ სისხლის სამართლის კოდექსის 154-ე მუხლი ითვალისწინებს ჟურნალისტის პროფესიულ საქმიანობაში უკანონოდ ხელის შეშლაზე პასუხისმგებლობას. 2011 წლის 30 ნოემბერს მედიის მიერ გავრცელებულ კადრებში კარგად ჩანს, რომ ტელეკომპანია „მაესტროს“ ჟურნალისტებს შენობაში ყოველგვარი ახსნა-განმარტების გარეშე შესვლის საშუალებას არ აძლევს საპატრულო პოლიცია, რაც არის ჩვენი საქმიანობისთვის ხელის შეშლა, გარდა ამისა ჟურნალისტებმა არაერთხელ დააფიქსირეს, რომ ეროსი კიწმარიშვილის თანმხლები პირები თანამშრომლებს არ აძლევენ ტელეკომპანიის ეზოში გადაადგილების საშუალებას, რაც ასევე არის ჩვენი ჟურნალისტურ საქმიანობაში უხეში ჩარევა.

ჩვენთვის ცნობილია თქვენი პოზიცია, რომ სახალხო დამცველი ვერ ჩაერევა ტელეკომპანიის შიდა საქმეებში, მაგრამ გაუგებარია დამოკიდებულება ჟურნალისტური საქმიანობის ხელის შეშლის ფაქტებზე, რომელიც ჩვენ ამ განცხადებაში უკვე ჩამოვთვალეთ და რომლის ამსახველი ვიდეომასალაც საზოგადოებამ არაერთხელ იხილა.

მოგმართვათ თხოვნით, იხელმძღვანელოთ სისხლის სამართლის 154-ე მუხლით - ჟურნალისტის პროფესიულ საქმიანობაში უკანონოდ ხელის შეშლის თაობაზე და სახალხო დამცველის შესახებ ორგანული კანონის მეცამეტე მუხლით, რომელიც თქვენს უშუალო ვალდებულებას წარმოადგენს და გავალდებულებთ მოახდინოთ რეაგირება პოლიციის თანამშრომელთა მხრიდან ჟურნალისტებისთვის პროფესიული საქმიანობის ხელშეშლაზე. ჩვენ ველით თქვენს გამოხმაურებას, რომ დაიცვათ ჩვენი კონსტიტუციური უფლება“, – ნათქვამია „მაესტროს“ ჟურნალისტების განცხადებაში.

ინტერპრესნიუსი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC