IRI-ს სოციოლოგიური კვლევის შედეგების თანახმად, გამოკითხულებში ყველაზე დიდი ნდობით კვლავ ეკლესია სარგებლობს.

IRI-ს კვლევის თანახმად, პოლიციას, ჯარს, პროკურატურას და პრეზიდენტის ადმინისტრაციას უფრო მაღალი ნდობა აქვს, ვიდრე სასამართლოს და ომბუდსმენს.

ინსტიტუტებისადმი ნდობის საკითხში კვლევის შედეგები ასე გადანაწილდა: ეკლესიას გამოკითხულთა 93% ენდობა, 2% არ ენდობა, 5%-ს მოსაზრება არ აქვს.
 
ჯარს 89%-იანი ნდობა აქვს, პოლიციას - 87%, პრეზიდენტის ადმინისტრაციას - 70%, ქართულ მედიას - 69%, მთავრობას - 68%, ეროვნულ ბანკს - 67%, განათლების სისტემას - 67%, პარლამენტს - 67%, პროკურატურას - 57%, სასამართლოს - 54%, ომბუდსმენის ოფისს - 50%, ცენტრალურ საარჩევნო კომისიას - 46%.
 
გამოკითხვა 27 ოქტომბრიდან 11 ნოემბრამდე პერიოდში მიმდინარეობდა.

საინფორმაციო სააგენტო „პირველი“