05:03, Tuesday, 31.03.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ოპოზიციონერი დეპუტატის, გიორგი ცაგარეიშვილის ვაჟი უცნობმა პირებმა საკუთარ სადარბაზოში სცემეს

14.12.2011

პარლამენტის ოპოზიციონერი დეპუტატის, გიორგი ცაგარეიშვილის ვაჟი, 19 წლის ზურაბ ცაგარეიშვილი 14 დეკემბერს გვიან ღამით, უცნობმა პირებმა კავსაძის ქუჩაზე, საკუთარ სადარბაზოში სცემეს .

როგორც „ინტერპრესნიუსს“ გიორგი ცაგარეიშვილმა განუცხადა, დაახლოებით, 00:30 საათზე, 4-5 უცნობი ადამიანი მის ვაჟს თავს იმ დროს დაესხა, როცა ის სახლში ბრუნდებოდა.

დეპუტატის ცნობით, ხმაურზე მეზობლები გამოცვივდნენ, რის შემდეგაც თავდამსხმელები მიიმალნენ.

„გამოვიძახეთ პატრული და სასწრაფო სამედიცინო დახმარების ბრიგადა. ჩემი შვილი გადაიყვანეს რესპუბლიკურ საავადმყოფოში, სადაც ჩაუტარდა გამოკვლევა და დაუდგინდა ტვინის შერყევა. მას აქვს დაზიანებები სახის არეში. სადღაც, 06:00 საათისთვის უკვე სახლში დავბრუნდით“, - განაცხადა დეპუტატმა.

გიორგი ცაგარეიშვილი მომხდარს მის პოლიტიკურ საქმიანობას უკავშირებს. დეპუტატის განცხადებით, ეს არის ანგარისწორება, რომელიც თანდათან უფრო ფართო მასშტაბებს შეიძენს და მძიმე და ტრაგიკულ მოვლენებში გადაიზრდება, რადგან, მიხეილ სააკაშვილი, ვანო მერაბიშვილი და დანარჩენები ყველაფერზე წამსვლელები არიან.

„სხვას რას უნდა დავუკავშირო ეს ინციდენტი, თუ არა ჩემს ხიფათიანობას პოლიტიკაში. ჩემი ვაჟი არის სპორტსმენი, თამაშობს რაგბს უკვე ათ წელზე მეტია, სწავლობს ქართულ-ამერიკულ უნივერსიტეტში საკმაოდ წარმატებით და ვფიქრობ, რომ ნორმალური ადამიანი გავზარდეთ, ყოველ შემთხვევაში ამ ასაკამდე, რომელიც არასდროს შესულა კონფლიქტში არავისთან“, - განაცხადა ცაგარეიშვილმა.

დეპუტატმა ამ დროისთვის არ იცის, აღძრულია თუ არა მომხდარზე სისხლის სამართლის საქმე. ცაგარეიშვილი ამბობს, რომ მისი საცხოვრებელი სახლის გარშემო გარესამეთვალყურეო კამერებია დამონტაჟებული და სამართლადამცავებს შეუძლიათ საქმის გახსნა, თუ ამის სურვილი ექნებათ.

ინტერპრესნიუსი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

შშმ მსჯავრდებულთა უფლებები პენიტენციურ დაწესებულებაში
შვიდი წელია არასამთავრობო ორგანიზაცია ადამიანის უფლებათა ცენტრში ვმუშაობ და ამდენივე წელია, რაც პენიტენციურ დაწესებულებაში მყოფ მსჯავრდებულთა უფლებრივ მდგომარეობას ვსწავლობ.
ვრცლად...
გორაშვილი vs ნაჭყებია
სიკვდილით სავსე ქალაქი
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC