2008 წლის ომის ვეტერანი ხვიჩა შაქარიშვილი აჭარის ჯანდაცვის სამინისტროს თანამშრომლებს მუქარაში ადანაშაულებს. ამის შესახებ შაქარიშვილმა „ტელეარხ 25“-ის გადაცემა „დიალოგში“ განაცხადა.
მისი თქმით, იგი აჭარის ჯანდაცვის მინისტრ, თემურ გაბაიძესთან დახმარების თხოვნით არაერთხელ მივიდა. მინისტრი მას დახმარებას დაჰპირდა. თუმცა მოგვიანებით, უწყებაში დაჭერით დაემუქრნენ.
ხვიჩა შაქარიშვილი, 2008 წლის ომის ვეტერანი: „აჭარის მთავრობის თავმჯდომარეს, ლევან ვარშალომიძესაც მივმართე, მაგრამ მითხრეს, რომ ჩემთვის არ სცალია. ხოლო აჭარის ჯანმრთელობის დაცვის სამინისტროში რამდენჯერმე ვიყავი. გასულ პარასკევს, მინისტრს რომ ველოდებოდი, ალბათ, მისი მოადგილე იყო, დამემუქრა: თუ არ გაჩერდები, პოლიციას გამოვიძახებთ და დავაჭერინებთ შენს თავსო”.
აჭარის ჯანმრთელობისა და სოციალური დაცვის მინისტრი თემურ გაბაიძე ფაქტს უარყოფს და ამბობს, რომ შაქარიშვილს იგი რამდენჯერმე შეხვდა: „ეს არის აბსოლუტური ტყუილი. შეუძლია, ნებისმიერ დღეს მოვიდეს. საპენსიოსა და ექსპერტიზის ბიუროს წარმომადგენლები შეკრიბებიან და მოძებნიან გამოსავალს, რომ მაქსიმალურად დაეხმარონ ამ ადამიანს“.
2008 წლის ომის ვეტერანის, უნარშეზღუდულ ხვიჩა შაქარიშილის ჯანმრთელობის მდგომარეობას სამედიცინო კომისია კიდევ ერთხელ შეამოწმებს. მას შესაძლოა, მეორე ჯგუფის ინვალიდობისა და ვეტერანობის პენსია 84-დან 129 ლარამდე გაეზარდოს. ხვიჩა შაქარიშვილს კონტუზია და თავის ტვინის ბაროტრავმა აქვს.
მაკა მალაყმაძე, აჭარა
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
