პრეზიდენტის ადმინისტრაცია ეკატერინა ხვედელიძესთან დაკავშირებით სასამართლოს გადაწყვეტილებას არ გაასაჩივრებს
პრეზიდენტის ადმინისტრაცია არ აპირებს გაასაჩივროს თბილისის საქალაქო სასამართლოს გადაწყვეტილება, რომლის მიხედვითაც, ეკატერინა ხვედელიძეს საქართველოს მოქალაქეობა აღუდგა.
„ამ საკითხზე პასუხი იქნება ძალიან მოკლე. არა, პრეზიდენტის ადმინისტრაცია არ აპირებს გაასაჩივროს თბილისის საქალაქო სასამართლოს მიერ მიღებული გადაწყვეტილება ამ საკითხთან დაკავშირებით“, - განაცხადა პრეზიდენტის ადმინისტრაციის პრესსპიკერმა მანანა მანჯგალაძემ.
2011 წლის 27 დეკემბერს თბილისის საქალაქო სასამართლომ ბათილად ცნო პრეზიდენტის განკარგულება, რომლის მიხედვითაც, ბიზნესმენ ბიძინა ივანიშვილის მეუღლეს, ეკატერინა ხვედელიძეს შეუწყდა საქართველოს მოქალაქეობა.
რაც შეეხება ბიძინა ივანიშვილის მოქალაქეობის საკითხს, მანჯგალაძის განმარტებით, ბიზნესმენის მხარემ მოქალაქეობასთან დაკავშირებით მიმართა სამოქალაქო რეესტრს და შესაბამის პასუხს დაინტერესებულ პირებს სწორედ ეს უწყება გასცემს.
მანჯგალაძის განცხადებით, ამ მიმართულებით ყველაფერი სამართლებრივად მიმდინარეობს.
კახეთის საინფორმაციო ცენტრი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
