14:12, Tuesday, 31.03.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

გიგა ბოკერია: „დიდ ფინანსებს დემოკრატიულ პროცესზე დისპროპორციულად დიდი გავლენა არ უნდა ჰქონდეს“

27.01.2012
ეროვნული უშიშროების საბჭოს მდივანი გიგა ბოკერია „მოქალაქეთა პოლიტიკური გაერთიანებების შესახებ“ კანონში ცვლილებების შეტანით გამოწვეულ აჟიოტაჟს ეხმიანება და აცხადებს, რომ „ქვეყნის ეკონომიკური წარმატება ბევრ შეძლებულ ადამიანს გულისხმობს, თუმცა ამ გავლენის პროპორცია გარკვეულ ჩარჩოებში უნდა იყოს მოქცეული“. ამის შესახებ ბოკერიამ ჟურნალ „ტაბულასთვის“ მიცემულ ინტერვიუში განაცხადა.

„რაც შეეხება პოლიტიკური პარტიების დაფინანსებასთან დაკავშირებულ კანონმდებლობასა და რეგულაციებს, ეს ნაწილია იმისა, რაც ყველა ჩამოყალიბებულ ლიბერალურ-დემოკრატიულ ქვეყანაში ხდება - რეგულირება იმისა, რომ დიდ ფინანსებს დემოკრატიულ და გადაწყვეტილების მიღების პროცესზე დისპროპორციულად დიდი გავლენა არ უნდა ჰქონდეს და მეორეს მხრივ, ქვეყნის გარედან ფინანსური ნაკადების მეშვეობით ქვეყნის შიგნით დემოკრატიულ პროცესზე გავლენის მოხდენის ეფექტური ფილტრები უნდა არსებობდეს. პირველი აბსოლუტურად ლეგიტიმური ამოცანაა, ხოლო მეორე - სუვერენული უფლება. ეს არ ნიშნავს, რომ შეძლებული ადამიანები, ისინი, ვისაც დიდი კაპიტალი აქვს, რამით უფრო საეჭვოები და ცუდები არიან. პირიქით, ქვეყნის ეკონომიკური წარმატება ბევრ შეძლებულ ადამიანს გულისხმობს, თუმცა ხაზს ვუსვამ, პროპორცია ამ გავლენისა გარკვეულ ჩარჩოებში უნდა იყოს მოქცეული. წარმატებულ ადამიანებს შეიძლება, უფრო მეტი გავლენა ჰქონდეთ, ისინი ხომ სხვებთან შედარებით, უფრო წარმატებულები არიან, მაგრამ ეს არ შეიძლება, ქვეყანაში მონოპოლიზაციის ან პოლიტიკური კორუფციის შეუზღუდავი მოედანი იყოს. ეს კანონი ამ მიმართულებით ლიბერალურ-დემოკრატიული ქვეყნების გამოცდილების გაზიარებაა. თუ საუბარია იმაზე, რომ ეს კონკრეტული პერსონის გამოჩენას დაემთხვა, ასე ხშირად ხდება ხოლმე, ისევე, როგორც კონკრეტული პოლიტიკური გაერთიანებების მიერ კანონმდებლობაში არსებული ხვრელების ბოროტად გამოყენების მცდელობები. ამ კონკრეტულ შემთხვევაში ჩვენ ძალიან გამჭვირვალე დეკლარირებასთან გვქონდა საქმე და აქ შეთქმულების თეორიებზე ლაპარაკი უადგილოა. საუბარია იმაზე, რაც ითქვა, რაც გაკეთდა და რისი განზრახულობაც ძალიან მკაფიოდ დადასტურდა. ქვეყნის პრივატიზება არ უნდა მოხდეს. თუ ვინმე ცდილობს, ხვრელები, რომელიც ქვეყანაში ლეგიტიმურ რეგულაციებთან მიმართებაში არსებობს, გამოიყენოს, საკანონმდებლო ორგანო რეაგირებას მოახდენს და ეს აბსოლუტურად ბუნებრივი პროცესია. ამ რეგულაციების დახვეწის პროცესი აქამდეც მიდიოდა, მათ შორის - საერთაშორისო ორგანიზაციების რეკომენდაციით“, - განაცხადა ბოკერიამ.

საინფორმაციო სააგენტო „პირველი“

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

შშმ მსჯავრდებულთა უფლებები პენიტენციურ დაწესებულებაში
შვიდი წელია არასამთავრობო ორგანიზაცია ადამიანის უფლებათა ცენტრში ვმუშაობ და ამდენივე წელია, რაც პენიტენციურ დაწესებულებაში მყოფ მსჯავრდებულთა უფლებრივ მდგომარეობას ვსწავლობ.
ვრცლად...
გორაშვილი vs ნაჭყებია
სიკვდილით სავსე ქალაქი
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC