08:02, Friday, 31.10.2014
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

მედვედევის თქმით, აფხაზეთსა და სამხრეთ ოსეთში გაძლიერებულ რუსულ სამხედრო ბაზებს მოწინააღმდეგისათვის „განუზომელი ზიანის“ მიყენება შეუძლია

07.02.2012
რუსეთის პრეზიდენტის დიმიტრი მედვედევის განცხადებით, საქართველოში ესმით, რომ სეპარატისტულ აფხაზეთსა და სამხრეთ ოსეთში გაძლიერებულ რუსულ სამხედრო ბაზებს მოწინააღმდეგისათვის „განუზომელი ზიანის“ მიყენება შეუძლია.

„რია ნოვოსტის“ ცნობით, მედვედევმა ეს მას შემდეგ განაცხადა, რაც საქართველოს „რემილიტარიზაციის“ თაობაზე დაუსვეს შეკითხვა და თხოვეს, არ დაევიწყებინა თბილისიდან მომდინარე საფრთხე.

მედვედევის თქმით, საქართველოს სამხედრო პოტენციალის გაძლიერება რუსული სამხედრო გეგმების შემუშავებისას მხედველობაში არის მიღებული. „გულახდილად რომ გითხრათ, ეს მილიტარიზაცია არ შეჩერებულა ე.წ. ხუთდღიანი ომის შემდეგაც. უფრო მეტიც, ჩვენ გვქონდა მონაცემები, რომ პრაქტიკულად მალევე როგორც აშშ–ის ადმინისტრაციის ხაზით, ისე რამოდენიმე სხვა [ქვეყნის] ხაზით, სხვათა შორის, ზოგიერთი ჩვენი ახლო მეზობლის მხრიდან, გრძელდებოდა სხვადასხვა ტიპის შეიარაღების მიწოდება“, – განაცხადა მან 6 თებერვალს მხარდამჭერთა საზოგადოებრივ კომიტეტთან შეხვედრაზე.

„სწორედ ამიტომ ჩვენ იძულებული ვიყავით, გაგვეძლიერებინა სამხედრო ბაზები, რომელიც მდებარეობს აფხაზეთის ტერიტორიაზე და სამხრეთ ოსეთის ტერიტორიაზე“, – განაცხადა მან.

რუსული წყაროების თანახმად, აფხაზეთისა და ცხინვალის რეგიონის სამხედრო ბაზებზე მოსკოვის არსენალში შედის T-90S ტიპის საბრძოლო ტანკები, „სმერჩის“ საარტილერიო სისტემა, „ტოჩკა–უ“–ს ტიპის ოპერატიულ–ტაქტიკური სარაკეტო კომპლექსი და ხმელეთი-ჰაერი საჰაერო თავდაცვის სისტემა „ბუკი“. რუსეთმა აფხაზეთში ასევე განათავსა საზენიტო-სარაკეტო კომპლექსი ს-300.

„ახლა ისინი [სამხედრო ბაზები] ისეთ მდგომარეობაში არიან, რომ შეუძლიათ ყველაზე მძლავრად დაიცვან ამ ორი პატარა ქვეყნის ინტერესები და შესაბამისად რუსეთის ინტერესები. იქ საკმარისი სხვადასხვა შეიარაღებაა, რომლებსაც შესწევთ უნარი ნებისმიერ თავდამსხმელს მიაყენონ განუზომელი ზიანი და ეს მათ ესმით, შეშლილ სააკაშვილსაც კი ესმის ეს“, – განაცხადა მედვედევმა.

მან იქვე აღნიშნა, რომ მოსკოვს არ შეუძლია, რომ სხვა ქვეყნებს საქართველოსთვის იარაღის მიყიდვა აუკრძალოს, თუმცა იქვე დასძინა, რომ მსგავს მცდელობას ადგილი ჰქონია.

„ჩვენ ამის შესახებ ღიად ვსაუბრობთ. არ დავმალავ, რომ რამოდენიმე ქვეყნის ხელმძღვანელობასთან მე უბრალოდ სპეციალურად ვილაპარაკე ამ თემაზე: ‘რას აკეთებთ? ეს უბრალოდ სახიფათოა, მაგრამ, რა თქმა უნდა, სრულად ჩვენ ამის აკრძალვა არ შეგვიძლია, და ჩვენ ეს უნდა გავითვალისწინოთ სამომავლო პოლიტიკაში. მაგრამ არანაირი სისუსტე აქ არ არის. ეჭვიც კი არ შეგეპაროთ. ყველაფერი რიგზეა“, – განაცხადა მედვედევმა.

იმავდროულად, რუსეთის პრეზიდენტმა განაცხადა, რომ არსებობს საქართველოსთან სავაჭრო–ეკონომიკური ურთიერთობის აღდგენის სურვილი და პოზიტიურ მაგალითად მოიყვანა საჰაერო მიმოსვლის განახლება ორ ქვეყანას შორის.

„ჩვენ გვაქვს მათთან გარკვეული სავაჭრო საკითხები. თქვენ იცით, რომ რაღაც მომენტში ჩვენ ვკრძალავდით გარკვეული ტიპის პროდუქტების შემოტანას ჩვენს ტერიტორიაზე, იყო სხვა პრობლემებიც“, – განაცხადა მან, „ვფიქრობ, რომ ჩვენს მეზობელთან ცივილიზებული დიალოგის ფარგლებში ჩვენ ეს ურთიერთობები მშვიდად უნდა დავამყაროთ, სადაც შესაძლებელია, ავაღორძინოთ სავაჭრო ბრუნვა“.

სივილ ჯორჯია

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
როგორ აფასებთ თბილისის ყოფილი მერის, გიგი უგულავას დაკავებას?
დააკავეს რეალური დანაშაულისათვის, საპროცესო ნორმების დაცვით დააკავეს რელური დანაშაულისათვის, მაგრამ საპროცესო ნორმების დარღვევით დააკავეს არარეალური ბრალდებით, პოლიტიკური მოტივებით მიჭირს პასუხის გაცემა

ბლოგი

მოჩვენებითი მშვიდობა ბალკანეთში
ხანგრძლივი და რთული მოსამზადებელი პერიოდის, წვალების შემდეგ 30 ივლისს სარაევოში ჩავფრინდით. ცუდი მეტეოპირობების გამო, დაფრენის დროს განცდილი დიდი შიშის მიუხედავად, თვითმფრინავის ილუმინატორიდან სარაევოს
ვრცლად...
მშიერი კომისიის წევრები და გაბრაზებული თავმჯდომარეები ბათუმში
ბეჭედი ნაკვეთურის გარეშე და ორსახელიანი ამომრჩეველი გურიაში
არქივი
    

რედაქტორის აზრი

რა დაემართა სამართლიანობის აღდგენის ოცნებას
"მართლმსაჯულების ხარვეზები“ - რბილად ასე ვუწოდებთ იმ სისტემურ პრობლემებს, რაც ქართულ მართლმსაჯულებას ექს-პრეზიდენტ მიხეილ სააკაშვილის მმართველობის წლებში ახასიათებდა. 
ვრცლად...
პატიმართა მასობრივი პროტესტის მიზეზები
შემოდგომის ბუზი
არქივი
თემები
კატეგორიები

Copyright © 2004 - 2014 HRIDC