05:30, Wednesday, 08.07.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

მოსამართლის მიერ კანონის, მათ შორის კონსტიტუციის დარღვევა დისციპლინურ გადაცდომად აღარ ჩაითვლება

09.02.2012
მოსამართლის მიერ კანონის, მათ შორის კონსტიტუციის დარღვევა დისციპლინურ გადაცდომად აღარ ჩაითვლება. ამასთან, მოსამართლეს დისციპლიურ გადაცდომად აღარც შრომის დისციპლინის დარღვევა ჩაეთვლება.

ცვლილება „საქართველოს საერთო სასამართლოების მოსამართლეთა დისციპლინური პასუხისმგებლობისა და დისციპლინური სამართალწარმოების შესახებ“ კანონში შედის.

აქამდე მოსამართლის დისციპლინური გადაცდომა „მოსამართლის მიერ სამოსამართლო უფლებამოსილების განხორციელებისას კანონის უხეში დარღვევა“ იყო. კანონის უხეშ დარღვევად საქართველოს კონსტიტუციის, საქართველოს საერთაშორისო ხელშეკრულებებისა და შეთანხმებების, საქართველოს კანონმდებლობის იმპერატიული მოთხოვნების დარღვევა ითვლებოდა, რამაც არსებითი ზიანი მიაყენა, ან შეეძლო მიეყენებინა პროცესის მონაწილის, მესამე პირის კანონიერი უფლებებისა და ინტერესების ან საჯარო ინტერესებისთვის.

პარლამენტში წარმოდგენილი კანონპროექტის თანახმად კი, ეს რეგულაცია კანონიდან ამოდის და უქმდება.

შესაბამისად, კანონპროექტის დამტკიცების შემთხვევაში მოსამართლეს მის მიერ კონსტიტუციის თუ სხვა კანონების უხეში დარღვევისთვის აღარ დასჯიან.

გარდა ამისა, მოსამართლეს დისციპლუნურ გადაცდომად აღარც შრომის დისციპლინის დარღვევა ჩაეთვლება.

მოსამართლის დისციპლინური გადაცდომის სახეებად რჩება კორუფციული სამართალდარღვევა ან თანამდებობრივი მდგომარეობის მართლმსაჯულებისა და სამსახურებრივი ინტერესების საზიანოდ გამოყენება. კორუფციულ სამართალდარღვევად ჩაითვლება  "საჯარო სამსახურში ინტერესთა შეუთავსებლობისა და კორუფციის შესახებ" საქართველოს კანონით გათვალისწინებული დარღვევა, თუ იგი სისხლის სამართლებრივ ან ადმინისტრაციულ პასუხისმგებლობას არ იწვევს, ასევე მოსამართლის თანამდებობასთან შეუთავსებელი საქმიანობა ან მოსამართლის მოვალეობებთან ინტერესთა შეუთავსებლობა; მოსამართლისათვის შეუფერებელი ქმედება, რომელიც სასამართლოს ავტორიტეტს ბღალავს ან ზიანს აყენებს სასამართლოსადმი ნდობას; საქმის განხილვის უსაფუძვლო გაჭიანურება; მოსამართლის მოვალეობების შეუსრულებლობა ან არაჯეროვნად შესრულება; მოსამართლეთა თათბირის ან პროფესიული საიდუმლოების გამჟღავნება;  დისციპლინური უფლებამოსილების მქონე ორგანოს საქმიანობისათვის ხელის შეშლა ან მისდამი უპატივცემულობა და სამოსამართლო ეთიკის ნორმების დარღვევა.

კანონპროექტის ინიციატორები დეპუტატები პავლე კუბლაშვილი, კახა ანჯაფარიძე და ზვიად კუკავა არიან.

საინფორმაციო სააგენტო „პირველი“

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC