11:11, Tuesday, 12.11.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

დევნილები ვარშალომიძეს პრეზიდენტთან შუამდგომლობას სთხოვენ

10.02.2012
აჭარაში მცხოვრებმა დევნილებმა პრეზიდენტთან შუამდგომლობისათვის აჭარის მთავრობის თავმჯდომარეს, ლევან ვარშალომიძეს მიმართეს. ისინი თამარის დასახლებაში დევნილთათვის აშენებულ კორპუსებში ბინების გამოყოფას ითხოვენ. 

დევნილები, რომლებსაც სახელმწიფოსგან 7000-დოლარიანი კომპენსაცია მიღებული აქვთ, ითხოვენ, სახელმწიფომ ფართი სოციალურ სახლებში მაინც გამოუყოს. ისინი ამბობენ, რომ 2006 წელს ინვესტორების მიერ გამოყოფილი თანხა თავშესაფრის შესაძენად საკმარისი არ იყო. ამიტომ ისინი საცხოვრებელი ფართით უზრუნველყოფას სახელმწიფოსგან ითხოვენ. „ვიცით, რომ ბინების მშენებლობა კიდევ იგეგმება. მოგვცენ რაიმე მტიცებულების სახით, რომ იქ მაინც დაგვაკმაყოფილებენ ბინით“, - ამბობს დევნილი ეკატერინე დოლიძე.

ბათუმში მცხოვრები იძულებით გადაადგილებული პირები ფიქრობენ, რომ ბინებით უპირველესად ადგილობრივები უნდა დაკმაყოფილებულიყვნენ. როგორც დევნილები ამბობენ, თამარის დასახლებაში აგებულ კორპუსებში ბინები ისეთმა პირებმა მიიღეს, რომელებსაც აფხაზეთში არასდროს უცხოვრიათ.

ჯინა გურჩიანი, დევნილი: „ნინოშვილის ქუჩაზე მცხოვრებმა ბატონმა 1 წელი იმუშავა ენგურის ხიდზე, მერე მთელმა მისმა ოჯახმა გაიკეთა დევნილის სტატუსი და ასე მიიღო ბინა“.

აჭარის ჯანმრთელობისა და სოციალური დაცვის მინისტრი თემურ გაბაიძე სოციალურ სახლებში ბინების გამოყოფას გამორიცხავს იმ დენვილებისთვის, რომლებმაც კომპენსაცია მიიღეს: „დევნილებს, რომლებსაც კომპენსაცია მიღებული აქვთ, არანაირი გარანტია არ მიეცემათ. პირველ რიგში, სახელმწიფომ უნდა დააკმაყოფილოს ის დევნილები, რომლებსაც დახმარება აქამდე არ მიუღიათ. მათი დახმარების შემდეგ, სახელმწიფო გადახედავს, თავის შესაძლებლობის ფარგლებში როგორ დაეხმაროს სხვა სოციალურად შეჭირვებულ ადამიანებს“.

აჭარაში ამჟამად 1 438 იძულებით გადაადგილებული ოჯახი ცხოვრობს. 400-მდე კომლს სახელმწიფომ საცხოვრებელი უკვე გადასცა. 921-მა ოჯახმა კი, კომპენსაცია 2006 წელს მასობრივი გამოსახლების დროს მიიღო, მაგრამ მათ უმრავლესობას კერძო საკუთრება დღემდე არ გააჩნია.

608-ბინიანი 22 სახლი ბათუმში თამარის დასახლებაში მუნიციპალური განვითარების ფონდისა და ევროკავშირის დაფინანსებით აშენდა. 

მაკა მალაყმაძე, აჭარა

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC