კატეგორიები
ჟურნალისტური მოკვლევა
სტატია
რეპორტაჟი
ანალიზი
ფოტო რეპორტაჟი
ექსკლუზივი
ინტერვიუ
უცხოური მედია საქართველოს შესახებ
რედაქტორის აზრი
პოზიცია
მკითხველის აზრი
ბლოგი
თემები
ბავშვები
ქალები
მართლმსაჯულება
ლტოლვილები / დევნილები
უმცირესობები
მედია
ჯარი
ჯანდაცვა
კორუფცია
არჩევნები
განათლება
პატიმრები
რელიგია
სხვა

მეექვსე თავდასხმა ანქვაბზე

22 თებერვალი, 2012

აფხაზეთის დე-ფაქტო პრეზიდენტ ალექსანდრე ანქვაბზე თავდასხმის შედეგად დაღუპულთა რაოდენობის შესახებ სხვადასხვაგვარი ინფორმაცია ვრცელდება. 

მცირე ხნის წინ სააგენტო „აპსნი პრესი“ იუწყებოდა, რომ დაღუპული იყო ანქვაბის პირადი დაცვის ორი წევრი. თუმცა მოგვიანებით მხოლოდ ერთ გარდაცვლილზე გავრცელდა ინფორმაცია.

დე-ფაქტო შსს-ს ინფორმაციით, ალექსანდრე ანქვაბის ავტომობილს და მის კორტეჟს გუდაუთა-სოხუმის გზაზე 22 თებერვალს 08:30 საათზე დაესხნენ თავს. თავდაპირველად, გზაზე დადებული ფუგასი აფეთქდა, შემდეგ კი ანქვაბის ავტომობილს ახლომდებარე მთიდან ყუმბარმტყორცნიდან და ავტომატიდან გაუხსნეს ცეცხლი. ანქვაბის ავტომობილის მძღოლმა ცეცხლის ხაზის გავლა მოახერხა. თავად ანქვაბი არ დაშავებულა, თუმცა მძიმედ დაიჭრა მისი პირადი დაცვის ორი წევრი.

ანქვაბი შუადღისთვის უკვე სოხუმში, სამსახურში იმყოფებოდა და ადასტურებდა, რომ არ დაშავებულა.

დანაშაულის ადგილზე საგამოძიებო-ოპერატიული ჯგუფი გავიდა. ადგილზე მივიდნენ ასევე დე-ფაქტო შს მინისტრი ოთარ ხეცია და დე-ფაქტო გენერალური პროკურორი საფარბეი მიქანბა. სპეციალისტები ასაფეთქებელი მოწყობილობის სიმძლავრის განსაზღვრას ცდილობდნენ.

დე-ფაქტო ძალოვანების ინფორმაციით, დამნაშავეები მთებში მიიმალნენ და მათ ძებნაში სამხედრო ვერტმფრენებია ჩართული.

ეს ალექსანდრე ანქვაბზე თავდასხმის უკვე მეექსვე შემთხვევაა და დღემდე არც ერთი მათგანი არ არის გახსნილი. თავდასხმები 2005 წლიდან გრძელდება. ანქვაბი ორჯერ იყო მსუბუქად დაჭრილი.

იხილეთ ვიდეო: ალექსანდრე ანქვაბს თავს დაესხნენ 

ინტერპრესნიუსი

ახალი ამბები