ვეტერანმა მფრინავებმა პარლამენტთან საპროტესტო აქცია გამართეს. როგორც საპროტესტო აქციის მონაწილეებმა განაცხადეს, 2005 წელს საქართველოს პრეზიდენტმა ხელი მოაწერა განკარგულებას, რომლის თანახმად ვეტერან მფრინავებს ყოველთვიურად 490 ლარიდან 560 ლარამდე კომპენსაცია უნდა მიეღოთ. თუმცა, მიხეილ სააკაშვილის განკარგულება არ შესრულებულა.
როგორც ვეტერანი მფრინავები აღნიშნავენ, „მიხეილ სააკაშვილმა განკარგულებას მარჯვენა ხელით მოაწერა, მარცხენათი კი სანაგვეში გადააგდო“.
მათი თქმით, სისტემატიურმა ფრენებმა მათ ჯანმრთელობაზე უარყოფითად იმოქმედა და 94-ლარიანი პენსია სამკურნალოდ საკმარისი არ არის.
ინტერპრესნიუსი