04:30, Wednesday, 15.07.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

კამპანიის „ეს შენ გეხება“ ორგანიზატორები საარჩევნო კანონმდებლობაში ცვლილებათა პაკეტს საერთაშორისო ორგანიზაციებს გააცნობენ

27.02.2012
კამპანიის - „ეს შენ გეხება“ - ორგანიზატორი არასამთავრობო და მედიაორგანიზაციების წარმომადგენლები საარჩევნო კანონმდებლობაში შესატან ცვლილებათა პაკეტს , რომელიც საკანონმდებლო წინადადების სახით 10 დღის წინ საქართველოს პარლამენტს წარუდგინეს, კვირის ბოლოს საერთაშორისო ორგანიზაციებსა და პოლიტიკურ პარტიებს გააცნობენ.

როგორც „ინტერპრესნიუსს“ კამპანიის ორგანიზატორებმა აცნობეს, 2 მარტს სასტუმრო „შერატონ მეტეხი პალასში“ დაინტერესებული პირებისთვის გამართავენ მრგვალ მაგიდას, სადაც  ისაუბრებენ, როგორც არსებული კანონმდებლობით დაწესებულ გაუმართლებელ შეზღუდვებზე, ისე  - მათ მიერ მომზადებულ წინადადებათა პაკეტზე, რომელიც, მათი აზრით, უზრუნველყოფს კანონის დემოკრატიულობას, სიტყვისა და გამოხატვის თავისუფლებას, საკუთრების უფლებასა და საარჩევნო გარემოს გაუმჯობესებას ქვეყანაში.

მრგვალ მაგიდაში მონაწილეობისთვის მიწვეულნი იქნებიან საქართველოში აკრედიტებული დიპლომატიური კორპუსისა და საერთაშორისო ორგანიზაციების წარმომადგენლები, ხელისუფლების, საპარლამენტო და არასაპარლამენტო პოლიტიკური პარტიების, აგრეთვე, არასამთავრობო და მედიაორგანიზაციების წარმომადგენლები. 2 მარტსვე არასამთავრობო ორგანიზაციები გამოვლენ გარკვეული ინიციატივით, რომელიც ქვეყანაში წინასაარჩევნო პერიოდის გამჭვირვალობას შეუწყობს ხელს.

საკანონმდებლო წინადადებათა პაკეტის ავტორები, ასევე, მიესალმებიან იმ ფაქტს, რომ მედიის მიერ გავრცელებული ინფორმაციით, საქართველოს პარლამენტის მხრიდან არსებობს გარკვეული მზაობა არასამთავრობო ორგანიზაციებთან ერთად საკანონმდებლო წინადადებების გადახედვისა და შესაძლო დიალოგის წარმართვაზე.

არჩევნების თემაზე მომუშავე არასამთავრობო ორგანიზაციებმა და მედიის წარმომადგენლებმა (ტელეკომპანია „კავკასია“, ტელეკომპანია „მაესტრო“, გაზეთი „ალია“, გაზეთი „რეზონანსი“, „მედიაპალიტრა“, „საერთაშორისო გამჭვირვალობა – საქართველო“, „სამართლიანი არჩევნები“, „საქართველოს ახალგაზრდა იურისტთა ასოციაცია“, სტუდია „რე“, რეგიონალური პრესის ასოციაცია, ია მამალაძე, ზვიად ქორიძე და სხვები)  13 თებერვალს წამოიწყეს კამპანია „ეს შენ გეხება“, რომლის მიზანი საარჩევნო კანონმდებლობის დახვეწა და წინასაარჩევნო გარემოს გაუმჯობესებაა. კამპანიის ფარგლებში, საარჩევნო კანონმდებლობაში ცვლილებების შეტანის მოთხოვნით, 170-მდე არასამთავრობო და მედიაორგანიზაციამ, აგრეთვე, 1500-მდე ფიზიკურმა პირმა ხელი მოაწერეს პეტიციას, რომელიც, საკანონმდებლო წინადადების პაკეტთან ერთად, საქართველოს პარლამენტს 17 თებერვალს წარუდგინეს.

გასულ კვირას კამპანიის ორგანიზატორებმა თბილისსა და საქართველოს რვა ქალაქში გამართეს საინფორმაციო შეხვედრები, რომელზეც მოსახლეობას მიაწოდეს ინფორმაცია კანონით დაწესებული შეზღუდვების თაობაზე.

ინტერპრესნიუსი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC