27 თებერვალს ყვარელში, სადაც პრეზიდენტ სააკაშვილს ახლადაშენებული საავადმყოფო უნდა დაეთვალიერებინა, საქართველოს პრეზიდენტის უსაფრთხოების სამსახურის თანამშრომლები კახეთის საინფორმაციო ცენტრის კორესპონდენტს მუშაობის უფლებას არ აძლევდნენ.
ჟურნალისტ ნათია დანელიშვილის თქმით, მან საავადმყოფოს მიმდებარე ტერიტორიაზე პრეზიდენტის დასახვედრად მიყვანილი ადამიანების ჩაწერა სცადა, მაგრამ პრეზიდენტის უსაფრთხოების სამსახურის თანამშრომლებმა, მას გადაღებული მასალის წაშლა და ტერიტორიის დატოვება მოსთხოვეს.
პრეზიდენტის ვიზიტის სრულყოფილად გასაშუქებლად კახეთის საინფორმაციო ცენტრმა ყვარელში დამატებით კიდევ ორი კორესპონდენტი გაგზავნა.
ეს არ არის პირველი შემთხვევა, როცა პრეზიდენტის უსაფრთხოების სამსახურის თანამშრომლები აბსოლუტურად უსაფუძვლოდ, კახეთის საინფორმაციო ცენტრის ჟურნალისტებს მუშაობაში ხელს უშლიან. 2011 წლის 2 სექტემბერს, მათ, გრემში პრეზიდენტის ვიზიტის დროს, ჟურნალისტი ნათია დანელიშვილი 40 წუთის განმავლობაში დაკავებული ჰყავდათ. ამ ფაქტზე არანაირი რეაგირება არ მომხდარა.
კახეთის საინფორმაციო ცენტრი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
