14:40, Thursday, 28.01.2021
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

გარემოსდამცველი ორგანიზაციები თბილისის საკრებულოსგან სარეკრეაციო ზონების დაცვას ითხოვენ

09.03.2012
გარემოსდამცველი არასამთავრობო ორგანიზაციები თბილისის საკრებულოსგან სარეკრეაციო ზონების დაცვას ითხოვენ და ბაღებისა და სკვერების გაჩეხვის წინააღმდეგ გამოდიან. ამ მოთხოვნებით 7 მარტს „ეკოლოგიური სამართლის ცენტრისა“ და „საქართველოს ახალგაზრდა მწვანეების“ წარმომადგენლებმა საკრებულოს შენობასთან საპროტესტო აქცია გამართეს.

აქციის მონაწილეებმა სკვერებში ხეების გაჩეხვის ამსახველი ფოტომასალა და პლაკატები გამოფინეს.

„ეკოლოგიური სამართლის ცენტრის“ ხელმძღვანელის, ნიკოლოზ მჟავანაძის განცხადებით, საკრებულოს პირდაპირი მოვალეობაა, გააკონტროლოს და შეაფასოს თბილისის მერიის ან სხვა  სამთავრობო ორგანოების პროექტები, რომლებიც სარეკრეაციო ზონების არსებობას უქმნის საფრთხეს და არ დაუშვას გარემოსთვის საზიანო მშენებლობები, თუმცა საკრებულო ამ უფლებას არ იყენებს.

მისივე თქმით, დღეისთვის გამწვანების მხრივ თბილისში სავალალო მდგომარეობაა - მსოფლიო ჯანდაცვის ორგანიზაციის მიერ დადგენილი ნორმით 1 სულ მოსახლეზე 50 კვადრატული მეტრი გამწვანებული ფართი უნდა მოდიოდეს. თბილისში 3 კვადრატულ მეტრზე ნაკლები მოდის, ამ მხრივ მდგომარეობა თანდათან მძიმდება. როგორც მჟავანაძე აცხადებს, სკვერების გაჩეხვის ბოლო მაგალითი კიკვიძის ბაღია, სადაც რამდენიმე ასეული კვადრატული მეტრის ფართობი პოლიციის აშენების მიზნით იჩეხება.

თბილისის საკრებულო დღევანდელ აქციას ჯერჯერობით არ გამოხმაურებია. როგორც გარემოსდამცველი არასამთავრობო ორგანიზაციების წარმომადგენლები აცხადებენ, საპროტესტო მოქმედებების შეწყვეტას არ აპირებენ და მოთხოვნების დაკმაყოფილების მიზნით სამართლებრივადაც იბრძვიან.

ინტერპრესნიუსი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

მე აფხაზეთში მელიან
აფხაზეთში ბოლოს ხუთი წლის წინ ვიყავი. მას შემდეგ დღე არ გადის, მასზე არ ვიფიქრო, არ ვინატრო იქაური ცის ყურება, რადგან იქ ცაც კი
ვრცლად...
მორიგების მორიგი შეთავაზება
ძალადობის მსხვერპლი ქალები
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2021 HRIDC