02:20, Thursday, 31.07.2014
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ასმათ ათუაშვილი: „შენი შვილი უდედოდ დარჩება თუ ამ საქმიანობას არ შეეშვებიო“

15.03.2012

კახეთის საინფორმაციო ცენტრი

„ეროვნული ფორუმის“ წევრი ასმათ ათუაშვილი კონტროლის პალატის თანამშრომლებმა, საგარეჯოს გამგეობის შენობაში 12 მარტს დაკითხეს. დაკითხვა 45 წუთს გაგრძელდა.

„ვიდრე დამკითხავდნენ პოლიციამ გამჩხრიკა. კორიდორიდანვე დაიწყეს გაჩხრეკა, ჩანთა და ტელეფონი ჩამომართვეს. ქურთუკიც გამახდევინეს. ტანსაცმლის შიგნითაც კი შევიდნენ. ხელებით შემეხო ის გოგო, ბოდიში და ლიფის რკინებიც კი ნახა. წითელს ანთებდა და მეკითხებოდა, აქ რა გაქვსო? ვერა ხედავ, რკინაა, რა უნდა მქონდეს მეთქი“, - იხსენებს „ეროვნული ფორუმის“ წევრი ასმათ ათუაშვილი.

„ხელებაწეული შევედი და ვუთხარი: მე ვარ სუფთა ადამიანი ნამდვილად, ალალი ადამიანი ვარ და არაფერი არ ჩამიდოთ, ინვალიდი ბავშვი უდედოდ არ დამიტოვოთ-მეთქი. აბსოლუტურად ყველაფერი გაჩხრიკეს. არ ვიცოდი, რა უნდა გამეკეთებინა. მოვითხოვე ადვოკატი. ვუთხარი, ადვოკატის გარეშე არაფერს არ გეტყვით და არც დავწერ-მეთქი. ადვოკატი არ შემოუშვეს.

- რა გკითხეს?

- თავიდან მკითხეს, რომელი პარტიიდან ხარო? ვუთხარი ფორუმიდან ვარ-მეთქი. რატომ გახვედი „ნაციონალებიდანო“. მიზეზი ვუთხარი. გელა კევლიშვილი („ქართული ოცნების“ საგარეჯოს ოფისის ხელმძღვანელი) თვითონ მოვიდა თუ თქვენ მონახეთო. ნამდვილად მე მოვნახე. კიდევ მკითხეს - თანხა რამდენი შემოგთავაზეს, თუ შემოუთავაზებიათ თანხა სამუშაოს გარეშეო. ბლანკები როგორ მოგიტანესო, დაწერილი იყო თუ თქვენ შეავსეთო? რა თანხა მოგცესო? 65 ლარი-მეთქი. ეს 65 ლარი რატომ აიღეო? ვუთხარი, რატომ მეკითხები - 65 ლარი რატომ აიღე და რატომ არ მეკითხები იმას, როცა 1 000 ლარი შემომთავაზეს „ნაციონალებმა“ საპრეზიდენტო არჩევნების დროს და მე არ ავიღე-მეთქი. ხელფასი რომ მოგიტანეს როგორ ქაღალდზე იყო დაწერილი, თეთრი იყო თუ რა ფერისო? მე ვუთხარი - თეთრი ქაღალდი იყო და თანხა იქვე ეწერა-მეთქი. ხელი შენ მოაწერეო? მე მოვაწერე-მეთქი. იქნებ, მეტი იყო გამოწერილიო? არ მაინტერესებს, ალბათ, ის თანხა უნდა ყოფილიყო და ავიღე. არ მიკითხავს, რამდენი უნდა ყოფილიყო იმიტომ, რომ ვენდობი მეთქი.

- დაკითხვის დროს ზეწოლას ჰქონდა ადგილი?

- კი, მუქარა იყო. შენი შვილი უდედოდ დარჩება თუ ამ საქმიანობას არ შეეშვებიო. 2 შვილი მყავს. უფროსი მეუფე სპირიდონთან მყავს. პატარა შეზღუდული შესაძლებლობების მქონე პირია. ჩანთიდან სურათები ამოვუყარე, გაზეთი დავუდე: ნახე, რა დღეში ვართ მეთქი. შენ დეპუტატთან ან გამგებელთან არ ყოფილხარო? კი, ვიყავი, მაგრამ მასხრად ამიგდეს-მეთქი. არ ვიცი, ვინ ჰკითხავთ. არც ჩხრეკა არ ეკითხებოდათ მაგათ. არ შეგეშვებითო, ასე მითხრეს.

Print Send to Friend Send to Facebook Tweet This
სახელი: marimarilui
2012-04-16 10:28
კონსლაგირი უნდა გერქვას ცჰენ!! საქარტველო კიარა!!!!!!!!!!!!!!!!!
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
როგორ აფასებთ თბილისის ყოფილი მერის, გიგი უგულავას დაკავებას?
დააკავეს რეალური დანაშაულისათვის, საპროცესო ნორმების დაცვით დააკავეს რელური დანაშაულისათვის, მაგრამ საპროცესო ნორმების დარღვევით დააკავეს არარეალური ბრალდებით, პოლიტიკური მოტივებით მიჭირს პასუხის გაცემა

ბლოგი

მოჩვენებითი მშვიდობა ბალკანეთში
ხანგრძლივი და რთული მოსამზადებელი პერიოდის, წვალების შემდეგ 30 ივლისს სარაევოში ჩავფრინდით. ცუდი მეტეოპირობების გამო, დაფრენის დროს განცდილი დიდი შიშის მიუხედავად, თვითმფრინავის ილუმინატორიდან სარაევოს
ვრცლად...
მშიერი კომისიის წევრები და გაბრაზებული თავმჯდომარეები ბათუმში
ბეჭედი ნაკვეთურის გარეშე და ორსახელიანი ამომრჩეველი გურიაში
არქივი
    

რედაქტორის აზრი

რა დაემართა სამართლიანობის აღდგენის ოცნებას
„მართლმსაჯულების ხარვეზები“ - რბილად ასე ვუწოდებთ იმ სისტემურ პრობლემებს, რაც ქართულ მართლმსაჯულებას ექს-პრეზიდენტ მიხეილ სააკაშვილის მმართველობის წლებში ახასიათებდა. 
ვრცლად...
პატიმართა მასობრივი პროტესტის მიზეზები
შემოდგომის ბუზი
არქივი
თემები
კატეგორიები

Copyright © 2004 - 2014 HRIDC