12:43, Wednesday, 12.08.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ბიძინა ივანიშვილი: „სააკაშვილი პატარა სტალინია, მაგრამ - უნიჭო“

15.03.2012
კოალიცია „ქართული ოცნების" ლიდერმა ბიძინა ივანიშვილმა გურჯაანში მხარდამჭერებთან შეხვედრისას საქართველოს პრეზიდენტს „პატარა სტალინი“ უწოდა.

„გაუგებარი ახალი ორგანო ჩამოაყალიბეს. კონტროლის პალატა პროკურატურაზე დიდი გახდა თითქოს. იბარებენ ხალხს გაუგებარი მოთხოვნებით. მე პირობას გაძლევთ, რომ იმ შეურაცხყოფისთვის, რასაც თქვენ გაყენებენ, ათმაგად აგებენ პასუხს. ეს ესე არ დარჩება. მოვუწოდებ ყველა შემსრულებლებს, არ მინდა, რომ ერთი კაცის სამსახურს გადაყვეს ყველა. მინდა გაგებით მოეკიდოთ, რომ ხელისუფლების ბევრი მოხელე თვითონაა მსხვერპლი იმ ძალადობისა, რაც მოდის ერთი კაციდან. ერთი მშიშარა კაცი ახერხებს და ამყარებს ასეთ ძალადობას. დიდი ხნით არა, შემოდგომამდე მოვითმინოთ. დაცვით პოზიციაში ვართ დღეს ჩვენ. ჩვენ გვაქვს გეგმები, გვაქვს პროგრამა, ცოტა ხანში ნელ-ნელა დავიწყებთ ხალხის გაერთიანებას, დავიწყებთ სულისკვეთების წამოწევას, აღზევებას და ისინი დაიწყებენ უკან დახევას.

დღეს არის მათი პარპაშის პიკი, რამეთუ არაფრად არ აგდებენ არავის და არაფერს, კანონი გადათელეს და დაიდეს ფეხქვეშ. ცენტრალიზებულად არის ეს აგებული, მოდის ერთი კაციდან და ვრცელდება. პატარა სტალინია, სტალინი ახერხებდა ესეთ რაღაცეებს. უნიჭო კაცია ოღონდაც, ძალიან უნიჭო კაცია, რომ საკუთარ ხალხს ასე ექცევა და საკუთარი შიში ვერ დაუძლევია და ამ შიშის საფუძველზე უნდა, რომ გააწვალოს და გააწამოს მოსახლეობა, რაც ხდება დღეს რეალურად. ცოტა დრო დარჩა, ცოტაც გავუძლოთ კახელებო და ყველაფერი ისე იქნება, როგორც გაგიხარდებათ. წყნარი ხალხი, ვერავინაც ვერ დაგჩაგრავთ. კახელებს იმდენი ნაომარი აქვთ, იმდენი სისხლი ჩაუქცევიათ საქართველოს გადარჩენაში. მაგაზე გადაიარა ყველაზე დიდმა უბედურებამ. ერთი გაუწონასწორებელი კაცი რას გვიზამს ასეთი ისტორიის მქონე ხალხს“, - მიმართა ივანიშვილმა მხარდამჭერებს.

მისივე თქმით, სააკაშვილი აღარც ბათუმში აღარ უყვართ, აღარც სხვა რეგიონებში. „მაგან დასადგომის ძიება უნდა დაიწყოს უკვე. თუმცა ჩემი სურვილი იქნება, ისე მოიქცეს და კიდევ დარჩა მაგას ცოტა დრო, ხვალ, ზეგ ბოდიში რომ მოიხადოს, ქართველი ხალხი სულგრძელია და შეუძლია, აპატიონ. მე არ მინდა, რომ ვინმე ქართველი გაიქცეს და დაიღუპოს. დასაღუპი და დასაქცევი ქართველი არც ერთი არ მეგულება. ძალიან დიდი სურვილი მაქვს, იქნებ გააცნობიეროს, რაღაც მოხდეს და გაჩერდეს, მაგრამ ეშმაკი არ აჩერებს“, - აღნიშნა ივანიშვილმა.

კახეთის საინფორმაციო ცენტრი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მომზადებული შეხვდა თუ არა ქვეყანა საგანგებო მდგომარეობის გამოცხადებას?
დიახ არა ნაწილობრივ

ბლოგი

მორიგების მორიგი შეთავაზება
საზოგადოება ინფორმირებულია, რომ 2017 წლის დეკემბრიდან ქალაქ თბილისის მერიისა და წყლის გამანაწილებელი კომპანიის - GWP-ს წინააღმდეგ სასამართლოში შეტანილი მაქვს სარჩელი, რომლითაც მოვითხოვ თბილისის
ვრცლად...
ძალადობის მსხვერპლი ქალები
ცხოვრება ეჭვისა და უნდობლობის სამყაროში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC