03:22, Thursday, 24.04.2014
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ჩოჩელების ახალი ლუდი „ზედაზენი“ რამდენიმე დღეში გამოვა

19.03.2012

მანანა ვარდიაშვილი, მცხეთა-მთიანეთის საინფორმაციო ცენტრი

მცხეთის რაიონის სოფელ საგურამოში რამდენიმე დღეში ახალი ლუდსახარში გაიხსნება. საწარმოს „ზედაზენი“ ერქმევა. ახალი ლუდსახარშის ერთ-ერთი დამფუძნებელი და მფლობელი მცხეთა-მთიანეთის გუბერნატორის ცეზარ ჩოჩელის ძმა, იაგო ჩოჩელია.
 
როგორც მცხეთა-მთიანეთის საინფორმაციო ცენტრს საწარმოში განუცხადეს, „ზედაზენი“ პირველ ეტაპზე ბაზარზე 10-მდე დასახელების ლუდს გამოუშვებს.
 
ლუდის ქარხანაში 75 მილიონი ლარის ინვესტიცია განხორციელდა. ახალი საწარმო ალკოჰოლური სასმელების გარდა სუსტალკოჰოლური და უალკოჰოლო სასმელების, მათ შორის ხილის წვენების წარმოებასაც გეგმავს. ქარხნის სიმძლავრე წელიწადში 400 000 ჰექტოლიტრი ლუდისა და 300 000 ჰექტოლიტრი ლიმონათის წარმოებაზეა გათვლილი. საწარმოს ხელმძღვანელობა პროდუქციის ექსპორტზე გატანასაც აპირებს. ქარხანა ჩეხურმა კომპანიამ „ZVU POTEZ“-მა დააპროექტა. 
 
ჩოჩელების ახალი ლუდსახარშ საწარმოში სულ 700 ადამიანი დასაქმდება. 
 
„ზედაზენი“  სს „ქართული ლუდის კომპანიას“ ეკუთვნის. „ქართული ლუდის კომპანიაში“ იაგო ჩოჩელის პარტნიორები არიან პარლამენტარი კახა ოქრიაშვილი, რომელიც ამავე დროს ფარმაცევტული კომპანია „პე ეს პე ფარმასა“ და კლინიკათა ქსელ „ნიუ ჰოსპიტალსის“ მფლობელია და შპს „საქართველოს საერთაშორისო ენერგეტიკული კორპორაცია“. „საქართველოს საერთაშორისო ენერგეტიკული კორპორაციის“ დირექტორთა საბჭოს თავმჯდომარე ნათელა თურნავაა, რომელიც რამდენიმე წლის წინ ეკონომიკის მინისტრის კახა ბენდუქიძის პირველი მოადგილე იყო. შპს „საქართველოს საერთაშორისო ენერგეტიკული კორპორაციის“ 100%  შპს „ჰოლდინგი საქართველოს ინდუსტრიულ ჯგუფს“ ეკუთვნის.
 
ლუდის წარმოება ჩოჩელებისთვის კარგად აპრობირებული საქმეა. აგვისტოს ომამდე ახალგორში ლუდის ქარხანა ფუნქციონირებდა, სადაც ქართული ლუდი „ლომისი“ ისხმებოდა. „ლომისის“ საწარმო მცხეთა - მთიანეთის ამჟამინდელი გუბერნატორის, ცეზარ ჩოჩელის მიერ იყო დაარსებული. „ლომისის“ ლუდის ქარხანა მუშაობას მას შემდეგაც აგრძელებდა, რაც ახალგორი რუსული მხარის მიერ ოკუპირებულ ტერიტორიაზე მოექცა. ოსური მედიის ინფორმაციით, „ლომისის“ ყოფილ ქარხანაში სამი სახეობის ლუდი - „ალუტონ“, „ჟიგულევსკოე“ და „კარლოვ მოსტ“ ჩამოასხეს. თუმცა, ამჟამად ეს საწარმო დალუქულია.
 
 ლუდის ქარხანა „ნატახტარი“ კი იაგო ჩოჩელს ეკუთვნოდა. „ნატახტარი“ მან რამდენიმე წლის წინ Efes Beer International-ს  მიჰყიდა. Efes-თან დადებული კონტრაქტის საფუძველზე, ჩოჩელს გარკვეული პერიოდის განმავლობაში ლუდის ბიზნესში შესვლის უფლება არ ჰქონდა. Efes Beer International -თან დადებული კონტრაქტის ვადის გასვლის შემდეგ, იაგო ჩოჩელმა რამდენიმე პარტნიორთან ერთად სს „ქართული ლუდის კომპანია“ დააფუძნა.

Print Send to Friend Send to Facebook Tweet This
სახელი: ლევან
2012-04-02 19:15
ვაკანსია არ არის?
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
თქვენი აზრით, ირღვევა თუ არა წინა ხელისუფლების ყოფილი მაღალჩინოსნების უფლებები?
ირღვევა არ ირღვევა არა ვარ ინფორმირებული მიჭირს პასუხის გაცემა

ბლოგი

მშიერი კომისიის წევრები და გაბრაზებული თავმჯდომარეები ბათუმში
არჩვენებს 2003 წლიდან ვაკვირდები. არც ერთი არჩევნები არ გამომიტოვებია, რასაც ვერ ვიტყოდი ჩემი საარჩევნო ხმის უფლების გამოყენებაზე - ყველა არჩევნებზე, იმის გამო რომ
ვრცლად...
ბეჭედი ნაკვეთურის გარეშე და ორსახელიანი ამომრჩეველი გურიაში
პირველად დამკვირვებლის სტატუსით
არქივი
    

რედაქტორის აზრი

პატიმართა მასობრივი პროტესტის მიზეზები
ბოლო ხანს მედიაში ერთ-ერთი აქტუალური თემაა პატიმართა პროტესტი გეგუთის კოლონიაში. ასობით პატიმარი პროტესტის სხვადასხვა ზომებს მიმართავს და კოლონიის დირექტორის გადაყენებას მოითხოვს. ისინი საპატიმროს
ვრცლად...
შემოდგომის ბუზი
ადამიანის უფლებათა ცენტრი მაღალჩინოსნების სასამართლო პროცესებს დააკვირდება
არქივი
თემები
კატეგორიები

Copyright © 2004 - 2014 HRIDC