21:24, Sunday, 12.07.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

GPB-ის სამეურვეო საბჭოს წევრობის ერთ-ერთი კანდიდატი მომღერალი ზუმბაა

03.04.2012
საქართველოს საზოგადოებირივი მაუწყებლის (GPB) სამეურვეო საბჭოს მეურვის პოსტის დასაკავებლად  შერჩეული სამი კანდიდატი პრეზიდენტმა მიხეილ სააკაშვილმა პარლამენტს წარუდგინა.  სამეურვეო საბჭოში შესვლა სურს მომღერალ ზუმბას (ზაზა  კორინთელი), რომელიც კავშირ „არტ გენის“ დირექტორია, მისი კონკურენტები არიან კუბლაშვილი გივი და ჯანოაშვილი გიორგი. კუბლაშვილი თბილისის დიდუბე-ჩუღურეთის რაიონის გამგეობის მთავარი სპეციალისტია, ჯანოაშვილი კი იგივე პოზიციაზე  თბილისის ვაკე-საბურთალოს რაიონის გამგეობაში მუშაობს.

სამეურვეო საბჭოს წევრის ადგილზე კონკურსი მას შემდეგ გამოცხადდა, რაც ეს პოსტი მიმდინარე წლის იანვრის ბოლოს დავით აფრასიძემ დატოვა. მისი განმარტებით, საბჭოდან წამოსვლის მიზეზი შინაგან საქმეთა სამინისტროში (შსს) მუშაობის დაწყება გახდა.

„მე დავინიშნე შსს-ს არქივის დირექტორად, მართალია ეს საჯარო სამართლის იურიდიული პირია, მაგრამ მაინც ინტერესთან კონფლიქტს ქმნიდა“, - უთხრა media.ge-ს დავით აფრასიძემ.

პრეზიდენტის განკარგულებით, აფრასიძის ადგილზე კონკურსი 2012 წლის 15 თებერვალს გამოცხადდა. ერთი თვის განმავლობაში მეურვის კანდიდატად დარეგისტრირება ნებისმიერ მსურველს შეეძლო. სხვა კრიტერიუმებთან ერთად კონკურსის მონაწილე  „უნდა იყოს საზოგადოებრივი აღიარებისა და ნდობის მქონე პირი, უნდა ჰქონდეს უმაღლესი განათლება და არანაკლებ 5 წლის მუშაობის გამოცდილება“.

პრეზიდენტის პრესსპიკერის მანანა მანჯგალაძის განცხადებით, კონკურსში ზემოთ აღნიშნული კანდიდატების გარდა, სხვას მონაწილეობა არ მიუღია.

„მაუწყებლობის შესახებ“ კანონით, კონკურსი ჩატარებულად ცხადდება თუ მასში მონაწილეობას მინიმუმ სამი კანდიდატი იღებს. ამავე კანონის თანახმად,  პრეზიდენტის მიერ კანდიდატურების წარდგენიდან 30 დღის ვადაში,  საქართველოს პარლამენტი ფარული კენჭისყრით აძლევს თანხმობას პრეზიდენტს მეურვის დანიშვნაზე.

სამეურვეო საბჭოს მეურვის ვაკანტურ ადგილას ბოლო კონკურსი მიმდინარე წლის თებერვალში დასრულდა. მაშინ პარლამენტმა წარდგენილი კანდიდატურებიდან  ამ პოსტზე  ინგლისური ენის საგანმანათლებლო ცენტრის, British House-ის დირექტორი ნატალია დვალი დაამტკიცა.

ნატა ძველიშვილი, Media.ge

ორიგინალი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC