04:04, Wednesday, 08.07.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

გოგორელიანი, აბდალაძე და ქიტიაშვილი სასამართლომ 500-ლარიანი ჯარიმის სანაცვლოდ გაათავისუფლა

20.04.2012
ბერა ივანიშვილის მუსიკალური სტუდიის თანამშრომელი ლაშა გოგორელიანი და მასთან ერთად დაკავებული თენგიზ აბდალაძე და რევაზ ქიტიაშვილი სასამართლომ 500-ლარიანი ჯარიმის სანაცვლოდ გაათავისუფლა. მოსამართლემ გადაწყვეტილება ახალგაზრდების დაკავებიდან რამდენიმე საათში გამოიტანა.

ამის შესახებ საინფორმაციო სააგენტო „პირველს“ გოგორელიანის ადვოკატმა ლადო მაჭარაშვილმა განუცხადა. მისივე თქმით, ჯერჯერობით არ არის ცნობილი, რა ბედი ელის კიდევ ერთ დაკავებულს ვახტანგ მელიქიძეს, რომელსაც შსს-ს ინფორმაციით, დაკავებისას მარიხუანა აღმოაჩნდა. მაჭარაშვილის თქმით, 19 აპრილს მელიქიძის სასამართლო პროცესი არ გამართულა.

„სასამართლოს თანაშემწემ პირადად მითხრა, რომ გოგორელიანს 500-ლარიანი ჯარიმის ოქმი გადასცა და ის უკვე გათავისუფლებულია, თუმცა ლაშა პირადად არ მინახავს. ახლა შსს-ს ძველი თბილისის რაიონულ განყოფილებაში მივდივარ, რომ დეტალებში გავერკვე“, - განაცხადა მაჭარაშვილმა.

ლაშა გოგორელიანი საპატრულო პოლიციამ 19 აპრილს საღამოს სამ პირთან ერთად დააკავა. შსს-ის ადმინისტრაციის ხელმძღვანელმა შოთა ხიზანიშვილმა მედიას ოპერატიულად აცნობა, რომ გოგორელიანთან ერთად დაკავებულ ვახტანგ მელიქიძეს ნარკოტიკული საშუალება მარიხუანა აღმოაჩნდა და პოლიციამ ისინი ნარკოლოგიულში გადაიყვანა შესამოწმებლად.

ლაშა გოგორელიანი ტელეკომპანია „რუსთავი 2“-ის გასართობი პროგრამების ყოფილი თანამშრომლის, ლევან გოგორელიანის (ფაქო) ძმაა. ძმები ლაშა და ლევან გოგორელიანები ცოტა ხნის წინ „რუსთავი 2“-დან წამოვიდნენ და მუშაობა ბერა ივანიშვილის Georgian dreams studio-ში განაგრძეს.

აღსანიშნავია, რომ ლევან გოგორელიანმა რამდენიმე საათის განმავლობაში არ იცოდა, სად იმყოფებოდა მისი ძმა. „ჩემი ძმა საცხოვრებელ სახლთან მანქანაში იმყოფებოდა, როდესაც  სამოქალაქო ფორმაში ჩაცმული პირები მივიდნენ და გაიტაცეს. ჩემმა ძმამ პოლიცია არც იცის, რა არის. მთელი ცხოვრება წესიერი ცხოვრებით ცხოვრობს. წარმოდგენა არა მაქვს, რა გახდა ლაშას დაკავების მიზეზი. მითხრეს, რომ 6 მანქანა მოვარდა და წაიყვანეს“, - განუცხადა „ინტერპრესნიუსს“ ლაშა გოგორელიანმა.

Humanrights.ge

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC