12:06, Wednesday, 30.07.2014
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

საია-ს განცხადებით, პატიმრები სასამართლოსა და კომისიების არეფექტური მოქმედებების გამო იღუპებიან

20.04.2012

საქართველოს ახალგაზრდა იურისტთა ასოციაციის წარმომადგენელთა განცხადებით, მსჯავრდებულთა და ბრალდებულთა #18 დაწესებულებაში მყოფი მძიმედ დაავადებული პატიმრები სასამართლოს, სასჯელაღსრულებისა და ჯანდაცვის სამინისტროების ერთობლივი კომისიების არაეფექტური მოქმედების გამო იღუპებიან.

როგორც დღევანდელ პრესკონფერენციაზე საია-ს ხელმძღვანელმა თამარ ჩუგოშვილმა განაცხადა, ახლახან პენიტენციალურ სამკურნალო დაწესებულებაში ორი პატიმარი გარდაიცვალა, რადგან მათი საქმეები დროულად არ განიხილა სასამართლომ.

თამარ ჩუგოშვილის ინფორმაციით, მიმდინარე წლის 7 მარტს #18 სამკურნალო დაწესებულებაში გარდაიცვალა მსჯავრდებული ალექსანდრე დადიანი. სამედიცინო ცნობაში გარდაცვალების მიზეზად დასახელდა ტუბინტოქსიკაციის ფონზე განვითარებული სუნთქვისა და გულსისხლძარღვთა მწვავე უკამრისობა. საია-ს ხელმძღვანელის ჩუგოშვილის თქმით, იმავე სამედიცინო ისტორიის თანახმად, მსჯავრდებული მძიმედ იყო დაავადებული. პატიმარს კანონმდებლობის თანახმად, გადავადება-გათავისუფლების მუხლი უნდა შეხებოდა, თუმცა სასამართლომ ლევან სამხარაულის სახელობის სასამართლო ექსპერტიზის ეროვნული ბიუროს დასკვნით ისარგებლა და დადიანი პატიმრობაში დატოვა.

საია-ს წარმომადგენელთა განცხადებით, პატიმარი დადიანი უკვე გარდაცვლილი იყო, როდესაც სასამართლო პროცესი ისევ გაიმართა და 8 დღის გარდაცვლილი მსჯავრდებული ისევ პატიმრობაში დატოვა.

საია-ს იურისტის მიხეილ ღოღაძის ინფორმაციით, ასევე, პატიმარ ოთარ ხაბელაშვილის ჯანმრთელობის მდგომარეობა მძიმე იყო და კანონმდებლობით სასჯელის გადავადება ან გათავისუფლება ეკუთვნოდა. თუმცა ის არ გათავისუფლდა და პატიმართა სამკურნალო დაწესებულებაში გარდაიცვალა.

როგორც საია-ში აცხადებენ, ისინი რამდენიმე მსჯავრდებულს უწევენ საადვოკატო დახმარებას. მათი ინფორმაციით, რამდენიმე პატიმრის ჯანმრთელობის მდგომარეობა უკიდურესად მძიმეა, თუმცა „უსაფუძვლობის გამო“, მათაც უარი ეთქვათ გათავისუფლებაზე.

„მიგვაჩნია, რომ თუ გადაწყვეტიების მიმღები ორგანოები ფორმალურ მიდგომას ან უმოქმედობას გააგრძელებენ ამ პატიმრებთან მიმართებაში, აზრს დაკარგავს საქართველოს კანონმდებლობით დადგენილი სასჯელის მოხდის გადავადება-გათავისუფლების შესაძლებლობა და შესაძლოა, ხშირ შემთხვევაში, ამან მათი სიცოცხლის უფლების ხელყოფა გამოიწვიოს“, - განაცხადეს საია-ს წარმომადგენლებმა.

ინტერპრესნიუსი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
როგორ აფასებთ თბილისის ყოფილი მერის, გიგი უგულავას დაკავებას?
დააკავეს რეალური დანაშაულისათვის, საპროცესო ნორმების დაცვით დააკავეს რელური დანაშაულისათვის, მაგრამ საპროცესო ნორმების დარღვევით დააკავეს არარეალური ბრალდებით, პოლიტიკური მოტივებით მიჭირს პასუხის გაცემა

ბლოგი

მოჩვენებითი მშვიდობა ბალკანეთში
ხანგრძლივი და რთული მოსამზადებელი პერიოდის, წვალების შემდეგ 30 ივლისს სარაევოში ჩავფრინდით. ცუდი მეტეოპირობების გამო, დაფრენის დროს განცდილი დიდი შიშის მიუხედავად, თვითმფრინავის ილუმინატორიდან სარაევოს
ვრცლად...
მშიერი კომისიის წევრები და გაბრაზებული თავმჯდომარეები ბათუმში
ბეჭედი ნაკვეთურის გარეშე და ორსახელიანი ამომრჩეველი გურიაში
არქივი
    

რედაქტორის აზრი

რა დაემართა სამართლიანობის აღდგენის ოცნებას
„მართლმსაჯულების ხარვეზები“ - რბილად ასე ვუწოდებთ იმ სისტემურ პრობლემებს, რაც ქართულ მართლმსაჯულებას ექს-პრეზიდენტ მიხეილ სააკაშვილის მმართველობის წლებში ახასიათებდა. 
ვრცლად...
პატიმართა მასობრივი პროტესტის მიზეზები
შემოდგომის ბუზი
არქივი
თემები
კატეგორიები

Copyright © 2004 - 2014 HRIDC