კახეთის საინფორმაციო ცენტრს წინანდალში პრეზიდენტის ვიზიტის გადაღების უფლება ისევ არ მისცეს

როგორც კახეთის საინფორმაციო ცენტრს პრეზიდენტის ადმინისტრაციის უფროსის მოადგილემ ირმა ნადირაშვილმა განუცხადა, წინანდალში ორი ღონისძიებაა დაგეგმილი: „კონცერტის ორგანიზატორი „სილქ როუდ გრუპია“. მათ თვითონ შეადგინეს სტუმრების სია. პრეზიდენტი დაესწრება სასტუმრო „რედისონის“ მშენებლობის დაწყებას, რომელსაც ჩვენი ჯგუფი გადაიღებს და პირდაპირ ეთერში გადაიცემა. შეგიძლიათ იქიდან ისარგებლოთ“.

შეგახსენებთ, ეს არ არის პირველი შემთხვევა, როცა კახეთის საინფორმაციო ცენტრს რეგიონში საქართველოს პრეზიდენტის ვიზიტის გაშუქებასთან დაკავშირებით პრობლემები შეექმნა.

კახეთის საინფორმაციო ცენტრი