პორტალი ადამიანის უფლებების შესახებ

როგორც მცხეთა - მთიანეთის საინფორმაციო ცენტრს ექსპერტმა გარემოს დაცვის საკითხებში ნინო ჩხობაძემ განუცხადა, ეს ტერიტორია თუ არ დასუფთავდა, სერიოზულ პრობლემებს გამოიწვევს.
 
„დასუფთავების ნაცვლად ამატებენ და ამატებენ ნაგავს. საფრთხის მატარებელია ის ნაჟური წყლები, რომელიც გამოდის და ეს არის ტოქიკური მასალა, გარემოს აბინძურებს. ყველა ნაგავსაყრელს უნდა ჰქონდეს შემკრები არხი. გარდა ამისა, როცა ნაგავსაყრელი 20 მეტრზე ზემოთ არის, ხდება მეთანის გაფრქვევა ჰაერში. ყველანაირად საშიშია. მაღალი ტემპერატურის დროს ერთი ასანთის გადაგდებამაც კი შეიძლება გამოიწვიოს აალება, ამ დროს გამოიყოფა დიოქსინები, რომელიც არის შხამი. რთული პრობლემაა. მცხეთა - მთიანეთის რეგიონს არ აქვს ცივილიზებული ნაგავსაყრელი, მაგრამ მსგავსი საშინელება რაც დუშეთშია, მე საქართველოში სხვაგან არ მინახავს. იმხელა ტერიტორიაზეა ნაგავი გაშლილი, რომ ნებისმიერ დროს შეიძლება რაღაც ცუდი მოხდეს“, - აღნიშნა ნინო ჩხობაძემ.
 
მცხეთა - მთიანეთის გუბერნატორის პირველი მოადგილის გივი ამირხანაშვილის განცხადებით, საქართველოში უკვე შეიქმნა ახალი სამსახური, ნაგავსაყრელების გაერთიანება, რომელიც აღნიშნულ ტერიტორიასაც გაწმენდს.
 
„დუშეთში ნაგავსაყრელისთვის ოფიციალურად აქამდე ვერ გამოიყო ტერიტორია, ამიტომ ნაგავს მანდ ყრიდნენ. ჩემი ინფორმაციით, გლდანის მიმდებარე ტერიტორიაზე მიმდინარეობს გადამამუშავებელი საწარმოს გაკეთება. დაახლოებით ივნისიდან იგეგმება დუშეთის არაოფიციალური ნაგავსაყრელის გაწმენდა და ნარჩენების გატანა გადამუშავების მიზნით, რის შემდეგაც იმ ტერიტორიაზე ნაგავი აღარ დაიყრება“, - განუცხადა მცხეთა-მთიანეთის საინფორმაციო ცენტრს გივი ამირხანაშვილმა.