22:43, Thursday, 14.11.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ამერიკული გამოცდილება ქართული საზოგადოებისთვის

26.04.2012

23 აპრილს ჰაინრიჰ ბიოლის ფონდში პროგრამა „ღია სამყაროს“ მონაწილეების შეხვედრა და დისკუსია გაიმართა. მრგვალი მაგიდის თემა იყო: „საზოგადოებრივი ჩართულობის ამერიკული გამოცდილების რელევანტურობა საქართველოში“.

„ღია სამყარო“ არის პროფესიული გაცვლითი პროგრამა, რომელსაც „საერთაშორისო განათლების ამერიკული საბჭოები“ ახორციელებს და ფინანსდება აშშ-ის კონგრესის ბიბლიოთეკის მიერ. მისი მიზანია, განავითაროს ღია, მეგობრული ურთიერთობები აშშ-სა და პროგრამაში მონაწილე სხვა ქვეყნებს შორის. „ღია სამყაროს“ აქვს ათდღიანი სტაჟირებები სხვადასხვა თემატიკაზე ამერიკის შეერთებულ შტატებში.

პროგრამის კოორდინატორის, ირმა ბარბაქაძის თქმით, მზადდება მეორე გაცვლითი ვიზიტი სოციალური ჩართულობის საკითხზე. პირველი დელეგაცია 2011 წლის შემოდგომაზე გაემგზავრა ფლორიდის შტატ ჯექსონვილში. კიდევ ერთი ჯგუფი 25 აპრილს მიდის ათდღიანი ვიზიტით ლოს-ანჟელესში, სადაც ისინი ინფორმაციას გაცვლიან, შეხვედრებსა და დისკუსიებს გამართავენ ამერიკელ წარმომადგენლებთან ეთნიკური უმცირესობების სოციალური ჩართულობის შესახებ.

მრგვალ მაგიდას ესწრებოდნენ პირველი ვიზიტის დელეგატები საქართველოდან და აგრეთვე, 25 აპრილს მიმავალი ჯგუფის წევრები. შეხვედრას რამდენიმე გამომსვლელი ჰყავდა, რომლებიც შემდეგ თემებს განიხილავდნენ: „სიძულვილის ენა - საერთო მიმოხილვა და არსებული პრაქტიკა“, „ადამიანის უფლებათა მიმოხილვა - ეთნიკური უმცირესობების უფლებები“, „მეთოდები და მიდგომები საზოგადოების განათლებისთვის - შედარებითი ანალიზი“, „პარტნიორობა ცვლილებებისათვის - არასამთავრობო ორგანიზაციებისა და ადგილობრივი თვითმმართველობის ორგანოების თანამშრომლობა არსებული პრობლემებისა და გამოწვევების დასაძლევად“, „სოციალური ერთობა - წარუმატებლობის მიზეზები და წარმატების საწინდარი“. 

ეთნიკური უმცირესობის წარმომადგენელმა ზაურ ხალილოვმა, რომელიც 25 აპრილს მიემგზავრება აშშ-ში, ვრცელი გამოსვლა მიუძღვნა ე.წ. სიძულვილის ენის პრობლემას საქართველოში. მისი განცხადებით, საქართველოში არსებული ეთნიკური უმცირესობების პრობლემების აღმოსაფხვრელად მედიასა და სამოქალაქო სექტორის გააქტიურებას დიდი როლი აკისრია.

შეხვედრაზე კიდევ ერთხელ აღინიშნა, რომ ეთნიკური უმცირესობები იმავე უფლებებით უნდა სარგებლობდნენ, რითაც სხვა მოქალაქეები. მრგვალი მაგიდის მონაწილეებმა ერთმანეთს გაუზიარეს ამერიკის შეერთებულ შტატებში მიღებული გამოცდილება და ინფორმაცია, ისაუბრეს დასავლურ ფასეულობებსა და ღირებულებებზე. ყველამ გაიზიარა ის აზრი, რომ აუცილებელია, აშშ-ის მსგავსად, საქართველოშიც წარმატებით მოხდეს სხვადასხვა ეთნიკური ჯგუფებების სოციალური ჩართულობა და მათი ინტეგრირება საზოგადოებაში.

თამთა ბელიაშვილი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC