ქარელის რაიონში, სოფელ ტახტიძირის მახლობლად არსებული საძოვრებიდან რუსმა სამხედროებმა ორი მწყემსი, მამა-შვილი ბათიკაძეები გაიტაცეს. მათი დაბრუნება ამ დროისთვის უკვე მოხერხდა.
როგორც "ინტერპრესნიუსის" კორესპონდეტი იუწყება, მამა-შვილი ბათიკაძეები ოკუპირებეული ტერიტორიიდან გადმოსულ რუს სამხედროებს რამდენიმე საათის განმავლობაში ჰყავდათ დაკავებული. თან წაიყვანეს მათი ნახირიც.
საბოლოოდ, ქართულ ძალოვან უწყებებთან მოლაპარაკებების შედეგად მწყემსები გაათავისუფლეს. უკან დააბრუნეს ნახირიც.
როგორც შალვა ბათიკაძე აცხადებს, მათი დაკავების მიზეზი ე.წ. საზღვრის გადაკვეთა გახდა. მწყემსის თქმით, სამხედროებმა მას რუკა გაუშალეს და საზღვრის უკანონოდ გადალახვაში დაადანაშაულეს.
როგორც სოფელ ტახტიძირის მცხოვრებლები აცხადებენ, 2008 წლის აგვისოტოს ომის შემდეგ მათ სოფელში მსგავსი ფაქტი არ მომხდარა.
ინტერპრესნიუსი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
