პარლამენტის ადამიანის უფლებათა კომიტეტის თავმჯდომარე ლაშა თორდია ქალი პატიმრებისთვის დამატებითი უფლებების მინიჭების ინიციატივით გამოდის. თორდიამ საკანონმდებლო ორგანოში უკვე წარადგინა „პატიმრობის შესახებ“ კანონში ცვლილებების პროექტი, რომელიც ქალი პატიმრების მიმართ ახალ ინიციატივებს ითვალისწინებს.
როგორც დეპუტატმა „ინტერპრესნიუსს“ განუცხადა, ქალი პატიმრებისთვის შემოდის პაემნის ახალი სახე – საოჯახო პაემანი.
მისი განმარტებით, საოჯახო პაემნის პირობებში ქალ პატიმრებს შეეძლებათ, ოჯახის წევრებს გამყოფი შუშის გარეშე, უშუალოდ შეხვდნენ.
ამასთან, თორდია გამოდის ინიციატივით, რომ ქალი პატიმრებისთვის წახალისების ფორმით სატელეფონო საუბარი შეუზღუდავად იყოს.
მოქმედი ნორმით, ქალ პატიმრებს წახალისების ფორმით, თვეში მხოლოდ 1 დამატებითი სატელეფონო საუბრის უფლება აქვთ.
ინტერპრესნიუსი