10:03, Thursday, 28.08.2014
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

პრეზიდენტის გაფრთხილების მიუხედავად, ექიმები ხელფასებს ვერ იღებენ

31.05.2012
„მინდა, მკაცრად გავაფრთხილო სადაზღვევო კომპანიები. საავადმყოფოებში ხელფასების ერთი დღით დაგვიანებასაც არ ავიტან. როგორც უნდათ, ყურებზე იარონ თუნდაც, მაგრამ ხალხმა ხელფასები მიიღოს დროზე“, - ეს განცხადება პრეზიდენტმა სააკაშვილმა 9 თებერვალს გააკეთა. დღეს 29 მაისია. გურჯაანის და საგარეჯოს სამედიცინო ცენტრების თანამშრომლებს ამ დრომდე აპრილის ხელფასი არ მიუღიათ.

საქართველოს პრეზიდენტმა მიხეილ სააკაშვილმა გურჯაანში სადაზღვევო კომპანია „ჯი-პი-აი ჰოლდინგის“ მიერ აშენებული ახალი მრავალპროფილიანი სამედიცინო ცენტრი 24 აპრილს გახსნა.

„ახალი სამედიცინო ცენტრის გახსნის შემდეგ ხელმძღვანელობა შეიცვალა, შტატები შეამცირეს. ოცზე მეტი ადამიანი გაათავისუფლეს. ეს ყველაფერი ოპტიმიზაციით ახსნეს და დაგვპირდნენ, რომ ხელფასებს დროულად ავიღებდით. აპრილის თვის ხელფასი ამ დრომდე არ მიგვიღია, არადა 2012 წლიდან „ჯეო ჰოსპიტალსის“ მართვაში ვართ“, - განუცხადეს კახეთის საინფორმაციო ცენტრს გურჯაანის სამედიცინო ცენტრის ექიმებმა.

აპრილის თვის ხელფასი არ მიუღიათ არც საგარეჯოს სამედიცინო ცენტრის თანამშრომლებს. უფრო მეტიც, რამდენიმე ექთანმა კახეთის საინფორმაციო ცენტრს უთხრა, რომ ზოგიერთ მათგანს მარტის თვის ხელფასიც მისაღები აქვს. ორივე სამედიცინო ცენტრს შპს „ჯეოჰოსპიტალსი“ ფლობს, რომელიც სადაზღვევო კომპანია „ჯი პი აი ჰოლდინგის“ შვილობილი კომპანიაა.

„ისედაც მიზერული ხელფასები გვაქვს. 150 – 200 ლარს ვერ ვცდებით და იმასაც არ გვაძლევენ დროულად. მომართვიანობა მაღალია, მაგრამ იმ ავადმყოფებსაც კი, რომლებსაც სტაციონარში მოთავსება სჭირდებათ, ამბულატორიულ მკურნალობას უნიშნავენ, რომ სადაზღვევო კომპანიამ ხარჯები შეამციროს“, - აღნიშნეს ექთნებმა.

შპს „ჯეო ჰოსპიტალსის“ რეგიონული მენეჯერი იოსებ მგალობლიშვილი ადასტურებს, რომ გურჯაანის სამედიცინო ცენტრის ექიმებს აპრილის თვის ხელფასი არ მიუღიათ, თუმცა მისი თქმით, კომპანიას ხელფასების დაგვიანების სერიოზული მიზეზი აქვს.

„თუ ობიექტური მიზეზი არ არსებობს, მაშინ უნდა დაისაჯონ სადაზღვევო კომპანიები, მაგრამ მე როგორც ვიცი, ამ შემთხვევაში არსებობს ხელფასების დაგვიანების ობიექტური მიზეზი. რაც შეეხება დეტალებს, მე კომპეტენტური არ ვარ“, - აღნიშნა იოსებ მგალობლიშვილმა.

კახეთის საინფორმაციო ცენტრი „ჯეო ჰოსპიტალსის“ დირექტორს დავით ჯორბენაძესაც დაუკავშირდა, თუმცა მოუცლელობის მიზეზით მან კომენტარი არ გააკეთა. კომენტარი არც საქართველოს შრომის, ჯანმრთელობისა და სოციალური დაცვის სამინისტროში გააკეთეს.

„მინდა ხაზი გავუსვა, რომ მას შემდეგ, რაც ეს საავადმყოფოები ამუშავდა, ძალიან მნიშვნელოვანია, რომ არსად, არცერთი დღით არ იყოს ხელფასის დაგვიანება. მინდა მკაცრად გავაფრთხილო სადაზღვევო კომპანიები, როგორც კი სადმე, ოდნავ მაინც იქნება ხელფასების დაგვიანება, მათ მიმართ გამოყენებული იქნება უმკაცრესი სანქციები. ჩვენ უნდა ვიმუშაოთ იმაზე, რომ ექიმებსაც და მითუმეტეს უმცროს სამედიცინო პერსონალს მუდმივად გაეზარდოს ხელფასი. ხელფასების ერთი დღით დაგვიანებასაც არ ავიტან. როგორც უნდათ, ყურებზე იარონ თუნდაც, მაგრამ ხალხმა ხელფასები მიიღოს დროზე,“ - ეს განცხადება პრეზიდენტმა მიხეილ სააკაშვილმა 2012 წლის 9 თებერვალს თეთრიწყაროში, საავადმყოფოს გახსნისას გააკეთა.

პრეზიდენტის გაფრთხილების მიუხედავად, ექიმები უხელფასოდ არიან დარჩენილები. სამსახურიდან გათავისუფლების შიშით ისინი ხმამაღლა საუბარსაც ვერ ბედავენ.

ნათია დანელიშვილი, კახეთის საინფორმაციო ცენტრი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
როგორ აფასებთ თბილისის ყოფილი მერის, გიგი უგულავას დაკავებას?
დააკავეს რეალური დანაშაულისათვის, საპროცესო ნორმების დაცვით დააკავეს რელური დანაშაულისათვის, მაგრამ საპროცესო ნორმების დარღვევით დააკავეს არარეალური ბრალდებით, პოლიტიკური მოტივებით მიჭირს პასუხის გაცემა

ბლოგი

მოჩვენებითი მშვიდობა ბალკანეთში
ხანგრძლივი და რთული მოსამზადებელი პერიოდის, წვალების შემდეგ 30 ივლისს სარაევოში ჩავფრინდით. ცუდი მეტეოპირობების გამო, დაფრენის დროს განცდილი დიდი შიშის მიუხედავად, თვითმფრინავის ილუმინატორიდან სარაევოს
ვრცლად...
მშიერი კომისიის წევრები და გაბრაზებული თავმჯდომარეები ბათუმში
ბეჭედი ნაკვეთურის გარეშე და ორსახელიანი ამომრჩეველი გურიაში
არქივი
    

რედაქტორის აზრი

რა დაემართა სამართლიანობის აღდგენის ოცნებას
„მართლმსაჯულების ხარვეზები“ - რბილად ასე ვუწოდებთ იმ სისტემურ პრობლემებს, რაც ქართულ მართლმსაჯულებას ექს-პრეზიდენტ მიხეილ სააკაშვილის მმართველობის წლებში ახასიათებდა. 
ვრცლად...
პატიმართა მასობრივი პროტესტის მიზეზები
შემოდგომის ბუზი
არქივი
თემები
კატეგორიები

Copyright © 2004 - 2014 HRIDC