კატეგორიები
ჟურნალისტური მოკვლევა
სტატია
რეპორტაჟი
ანალიზი
ფოტო რეპორტაჟი
ექსკლუზივი
ინტერვიუ
უცხოური მედია საქართველოს შესახებ
რედაქტორის აზრი
პოზიცია
მკითხველის აზრი
ბლოგი
თემები
ბავშვები
ქალები
მართლმსაჯულება
ლტოლვილები / დევნილები
უმცირესობები
მედია
ჯარი
ჯანდაცვა
კორუფცია
არჩევნები
განათლება
პატიმრები
რელიგია
სხვა

უშვილო წყვილსა და სუროგატ დედას მათ უფლება-მოვალეობებთან დაკავშირებით შესაძლოა, ხელშეკრულების დადება მოუწიოთ

12 ივნისი, 2012

უშვილო წყვილსა და სუროგატ დედას, მათ უფლება-მოვალეობებთან დაკავშირებით შესაძლოა ხელშეკრულების დადება და მისი ნოტრაიუსთან დამოწმება მოუწიოთ.

ამასთან დაკავშირებით ცვლილება „ჯანმრთელობის დაცვის შესახებ“ კანონში შედის.
ხელშეკრულებაში წყვილსა და სუროგატ დედას იმ საკითხებზე შეთანხმება შეეძლებათ, რომლებიც კანონმდებლობით არ იქნება დარეგულირებული.

კანონმდებლობით კი დადგენილი იქნება უშვილო წყვილის ვალდებულება, აანაზღაუროს ხარჯები, რომლებიც დაკავშირებულია ხელოვნური ჩასახვის ტექნოლოგიის (ტექნოლოგიების) განხორციელებასთან და სუროგატი დედისათვის კანონით დადგენილი წესით სამედიცინო გამოკვლევების ჩატარებასთან.

ასევე, წყვილმა უნდა აანაზღაუროს სუროგატული დედის ორსულობასთან, მშობიარობასთან, მშობიარობის შემდგომ პერიოდთან დაკავშირებული სამედიცინო მომსახურებასა და დაბადებული ბავშვის სამშობიაროში მოვლასთან და მკურნალობასთან დაკავშირებული ხარჯები; სუროგაციის ხელშეკრულების გაფორმებისათვის აუცილებელი იურიდიული და სხვა მომსახურებისათვის არსებული ხარჯები; სუროგაციასთან დაკავშირებული ნებისმიერი სხვა ხარჯი, მათ შორის შესაძლო შემოსავლის დანაკარგი, თუ ანაზღაურება არ გულისხმობს სუროგატი დედის მიერ ფინანსურ მოგებას.

კანონპროექტითვე, უშვილო წყვილი ვალდებული იქნება დაიცვას სუროგატული დედის ვინაობის შესახებ ინფორმაციის კონფიდენციალურობა, როგორც ბავშვის დაბადებამდე, ისე მის შემდეგ, თუ ამას მოითხოვს სუროგატული დედა. სუროგატი დედის ეს სურვილი, წყვილსა და მას შორის გაფორმებულ ხელშეკრულებაში უნდა იყოს ასახული.

კანონპროექტის ავტორი და ინიციატორი ჯანდაცვის საპარლამენტო კომიტეტის თავმჯდომარე ოთარ თოიძეა. პროექტის განხილვა პარლამენტს ჯერ არ დაუწყია.

ინტერპრესნიუსი

ახალი ამბები