20:41, Sunday, 22.10.2017
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

გია ხუხაშვილის სახლში, სავარაუდოდ, მოსასმენი მოწყობილობა აღმოაჩინეს

14.06.2012
თბილისში, ამაღლების ქუჩაზე, ექსპერტ გია ხუხაშვილის სახლში, სავარაუდოდ, მოსასმენი მოწყობილობა აღმოაჩინეს. როგორც "ინტერპრესნიუსს" ხუხაშვილმა განუცხადა, მისი მეზობლის გასარემონტებელი ბინიდან, რომელიც ერთი სართულით ზემოთ ცხოვრობს, ჭერი იყო ჩამოთხრილი და ჯერჯერობით გაურკვეველი აპარატურა იყო ჩამაგრებული.

“ეს რაღაც აპარატურა ჩემს ზემოთ მცხოვრებმა მეზობელმა აღმოაჩინა და სწორედ მან მაცნობა. აპარატურა მე არ მინახავს. სავარაუდოდ, მოსასმენი აპარატურაა, რომელიც ჩამოთხრილი ჭერიდან იყო ჩემს სახლში ჩამოყვანილი”, - განაცხადა გია ხუხაშვილმა.

ექსპერტ გია ხუხაშვილის ოჯახის დამხმარე ქალბატონის ინფორმაციით, ერთი სართულით ზემოთ მცხოვრები მეზობლის სახლიდან ჩაქუჩის ხმა დაახლოებით 2 კვირის წინ ჩამოდიოდა. როგორც ქალბატონმა "ინტერპრესნიუსს" განუცხადა, სავარაუდოდ, სწორედ მაშინ მოხდა მოსასმენი აპარატურის დამონტაჟება. მისი თქმით, ჩაქუჩს ისე ძლიერად ურტყამდნენ ჭერს, რომ ოთახში ჭერიდან სამშენებლო მასალაც კი ჩამოცვივდა.
 
“დღეს მეზობელი ჩამოვიდა და მკითხა, რა გვქონდა მისგან გაყვანილი. ჩვენ გავოცდით ამ შეკითხვით, ავედით და ვნახეთ, რომ იყო მოწყობილობა, რომელზეც დამაგრებული იყო მიკროფონი და ამონგრეულ იატაკში, რომელის ქვეშ ჩვენი ჭერია, ჩატენილი იყო ეს მიკროფონი. ღრმულზე კი გადაფარებული იყო გაზეთები”, - განმარტა ქალბატონმა.

ამ დროისათვის გია ხუხაშვილის მეზობლის სახლში კრიმინალისტები მუშაობენ. მიმდინარეობს გია ხუხაშვილის მეზობლის დაკითხვა. ცოტა ხნის წინ გია ხუხაშვილთან მივიდა მისი მეგობარი დავით მაღრაძე, რომელმაც თქვა, რომ მედიის საშუალებით შეიტყო გია ხუხაშვილის სახლში მოსასმენი აპარატურის დამონტაჟების შესახებ.

შინაგან საქმეთა სამინისტროს საზოგადოებასთან ურთიერთობის სამსახურის უფროსმა ზურაბ გვენეტაძემ კი “ინტერპრესნიუსთან” საუბრისას მხოლოდ ის აღნიშნა, რომ ადგილზე იმყოფებიან საექსპერტო-კრიმინალისტიკური მთავარი სამმართველოს წარმომადგენლები, მიმდინარეობს საქმის შესწავლა და ინფორმაციას შსს მოგვიანებით გაავრცელებს.

ინტერპრესნიუსი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
როგორი წესით უნდა მოხდეს საქართველოს პრეზიდენტის არჩევა?
პირდაპირი არჩევნების გზით (ხალხის მიერ) არაპირდაპირი არჩევნების გზით (საქართველოს პარლამენტის მიერ)

ბლოგი

კუდები გვაკვირვებს
ბოლო დღეების განმავლობაში საზოგადოებისთვის თვალშისაცემია კამპანია „ეს შენ გეხებას“ გააქტიურება. კამპანიის ცნობილ მარკაზე გაჩნდა ახალი წარწერა - „ისევ გვისმენენ - ისევ გვითვალთვალებენ“. ეს
ვრცლად...
მოჩვენებითი მშვიდობა ბალკანეთში
მშიერი კომისიის წევრები და გაბრაზებული თავმჯდომარეები ბათუმში
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2017 HRIDC