22:40, Wednesday, 02.12.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ბიძინა ივანიშვილის მოქალაქეობასთან დაკავშირებით გადაწყვეტილება 29 ივნისს გამოცხადდება

21.06.2012
ბიძინა ივანიშვილის მოქალაქეობასთან დაკავშირებით სააპელაციო სასამარათლოს გადაწყვეტილება 29 ივნისს გამოცხადდება. როგორც „ინტერპრესნიუსს“ კორესპონდენტი იუწყება, 21 ივნისს სასამართლო სხდომა მტკიცებულების გამოკვლევას ეთმობოდა.

ბიძინა ივანიშვილის მხარეს წარმოადგენდნენ ადვოკატები ზაქარია ქუცნაშვილი, შალვა თადუმაძე და სანდრო ბარამიძე, ხოლო მოწინააღმდეგე მხარეს, პრეზიდენტის წარმომადგენელი თინათინ სირაძე, ასევე სამოქალაქო რეესტრის წარმომადგენლები - გიორგი გაბრიელაშვილი და ჟანა ქობალია.

ბიძინა ივანიშვილის ადვოკატებმა აღნიშნეს, რომ მოწინააღმდეგე მხარეს არ გააჩნია მტკიცებულები იმასთან დაკავშირებით, რომ სამოქალაქო რეესტრის წარმომადგენელი საფრანგეთის საელჩოს წარმომადგენელს ესაუბრა, სადაც მას უთხრეს, რომ ბიძინა ივანიშვილი საფრანგეთის მოქალაქეა.

ამასთან, ბიძინა ივანიშვილის ადვოკატებმა წინა სასამართლო პროცესზე მოთხოვნილი სტატისტიკური მონაცემებზე დღეს პასუხი მიიღეს. სამოქალაქო რეესტრის წარმომადგენელმა, გიორგი გაბრიელაშვილმა წარადგინა სტატისტიკური მონაცემები, რომ მოქალაქეობის შეწყვეტასთან დაკავშირებით ათობით ათასი ანალოგი არსებობს და ბიძინა ივანიშვილი უნიკალური შემთხვევა არ არის. თუმცა, მიუხედავად ამისა, ბიძინა ივანიშვილის ადვოკატების განცხადებით, გაბრიელაშვილმა ვერც ერთი კონკრეტული შემთხვევა ვერ დააფიქსირა, რაც იმას ადასტურებს, რომ მოწინააღმდგე მხარეს არც ერთი მტკიცებულება არ გააჩნია და ბიძინა ივანიშვილის მოქალაქეობასთან დაკავშირებით არსებული ვითარება მიხეილ სააკაშვილის პოლიტიკური გადაწყვეტილებაა.

„სამოქალაქო რეესტრის წარმომადგენელმა თქვა, რომ ათობით ათასი ასეთი შემთხვევა არსებობს, როდესაც უცხო ქვეყნის მოქალაქეს საქართველოს მოქალაქეობა ჩამოერთვა, თუმცა ვის რას საფუძველზე, პრეზიდენტის წარმომადგენლებმა ვერ ახსნეს და ვერც ერთი კონკრეტული მაგალითი ვერ წარმოადგინეს, რაც ნიშნავს, რომ მტკიცებულება არ არსებობს. ამასთან, სატელეფონო საუბარი, რომლითაც მოწინააღმდგე მხარე ამტკიცებს, თითქოს დადასტურდა, რომ ბიძინა ივანიშვილი საფრანგეთის მოქალაქეა, არ შეიძლება ჩაითვალოს მტკიცებულებად, რადგან არ არსებობს უდავო ფაქტობრივი გარემოება, რითაც ამ საუბრის სიზუსტე მტკიცდება“, - განაცხადა ბიძინა ივანიშვილის ადვოკატმა ზაქარია ქუცნაშვილმა.
 
დღევანდელ პროცესს „ქართული ოცნება – დემოკრატიული საქართველოს“ თავმჯდომარე მანანა კობახიძე, ასევე „ქართული ოცნების“ წევრი ეკა ბესელია ესწრებოდნენ. პროცესს ასევე აკვირდებოდნენ არასამთავრობო ორგანიზაციების წარმომადგენლები და „ქართული ოცნების“ დაქირავებული ამერიკელი ადვოკატი.

ინტერპრესნიუსი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

მე აფხაზეთში მელიან
აფხაზეთში ბოლოს ხუთი წლის წინ ვიყავი. მას შემდეგ დღე არ გადის, მასზე არ ვიფიქრო, არ ვინატრო იქაური ცის ყურება, რადგან იქ ცაც კი
ვრცლად...
მორიგების მორიგი შეთავაზება
ძალადობის მსხვერპლი ქალები
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC