კატეგორიები
ჟურნალისტური მოკვლევა
სტატია
რეპორტაჟი
ანალიზი
ფოტო რეპორტაჟი
ექსკლუზივი
ინტერვიუ
უცხოური მედია საქართველოს შესახებ
რედაქტორის აზრი
პოზიცია
მკითხველის აზრი
ბლოგი
თემები
ბავშვები
ქალები
მართლმსაჯულება
ლტოლვილები / დევნილები
უმცირესობები
მედია
ჯარი
ჯანდაცვა
კორუფცია
არჩევნები
განათლება
პატიმრები
რელიგია
სხვა

ვორქშოფი ჟურნალისტებისთვის და სასწავლო ტური მლეთაში

22 ივნისი, 2012

14-15 ივნისს თბილისის ადამიანის უფლებათა სახლის ორგანიზებით ჩატარდა ვორქშოპი და სასწავლო ტური  ჟურნალისტებისთვის თემაზე - ბუნებრივი კატასტროფები და ეკომიგრანტები.

14 ივნისს ვორქშოფს ომისა და მშვიდობის გაშუქების ინსტიტუტის (IWPR) ოფისმა უმასპინძლა. ვორქშოფს უძღვებოდნენ: რეზო გეთიაშვილი, კავკასიის გარემოსდაცვითი ორგანიზაციების ქსელი, გიორგი კუპატაძე, ომისა და მშვიდობის გაშუქების ინსტიტუტი და ილია გუჩმანიძე, ასოციაცია „ბორჯღალო“.

ტრენერებმა მონაწილეებს ბუნებრივი კატასტროფებისა და ეკომიგრანტების გაშუქების სპეციფიკა გააცნეს. ერთ-ერთ მთავარ პრობლემად დასახელდა საქართველოს სახელმწიფოს პოლიტიკა, რომელიც ქვეყანაში ეკომიგრანტების არსებობას არ აღიარებს. ხელისუფლება ცდილობს, არ აიღოს ვალდებულებები ეკომიგრანტების წინაშე, რადგან მას მსგავსი ვალდებულებები უკვე აკისრია ოკუპირებული ტერიტორიებიდან გადაადგილებული ასიათასობით დევნილის მიმართ. შესაბამისად, სტიქიით დაზარალებულთა და ეკომიგრანტთა პრობლემები დიდწილად ყოველთვის მოუგვარებელია.

ვორქშოფის მეორე დღეს მოეწყო სასწავლო ტური ერთ-ერთ პრობლემურ რეგიონში, კერძოდ - დუშეთის მუნიციპალიტეტის სოფელ მლეთაში, სადაც მონაწილეებმა გაიუმჯობესეს პრაქტიკული უნარ-ჩვევები წინა დღით თეორიულად მიღებულ ცოდნაში და ითავეს თემის გაშუქება თავიანთ მედიასაშუალებებში. ისინი ადგილზე გაეცნენ ეკომიგრანტების ყოფას, ასევე შეხვდნენ ადგილობრივი თვითმმართველობის წარმომადგენელს, იოსებ ზაქაიძეს, რომელმაც ჟურნალისტებს მლეთაში მცხოვრები სტიქიით დაზარალებული მოქალაქეების პრობლემებზე დამატებითი ინფორმაცია მიაწოდა.

ვორქშოპისა და სასწავლო ტურის 10 მონაწილე თბილისის ადამიანის უფლებათა სახლმა  კონკურსის წესით შეარჩია. კონკურსში მონაწილეობა 40-მდე ჟურნალისტმა მიიღო.

თბილისის ადამიანის უფლებათა სახლი, მედიაცენტრი

ახალი ამბები