23:46, Friday, 18.04.2014
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

“რეზონანსი”- პატიმრებისთვის პრესის შეგზავნა აკრძალულია

22.06.2012
გაზეთი “რეზონანსი” 21 ივნისის ნომერში წერს, რომ პატიმრებისთვის პრესის შეგზავნა აკრძალულია.

ორგანიზაცია “ყოფილი პოლიტპატიმრები ადამიანის უფლებებისთვის” თავმჯდომარემ, ნანა კაკაბაძემ გაზეთთან საუბრისას აღნიშნა, რომ “განსაკუთრებით თავისუფალ ჟურნალ- გაზეთებს კრძალავენ. ეს ბრძანება ოფიციაულური არ არის და ყველაფერი არაოფიციალურად ხდება. ტელევიზიასთან და რადიოსთან ხელმისაწვდომობაც პრესასთან ერთად აიკრძალა”.

კაკაბაძის თქმით, პატიმრებს წიგნების შეტანაზეც აქვთ შეზღუდვები დაწესებული, ერთი კილოგრამი წიგნის შეტანა 12 ლარი ღირს.

უფლებადამცველი პრესის აკრძალვას პოლიტიკურ პროცესებს უკავშირებს და ამბობს, რომ პრესის შეზღუდვა პატიმრებისთვის იმ დროიდან დაიწყო, როცა მილიარდერი პოლიტიკოსი, ბიძინა ივანიშვილი პოლიტიკაში გამოჩნდა.

“რეზონანსთან” საუბრისას ადვოკატი გელა ნიკოლაიშვილი ამბობს, რომ პატიმრებთან დაშვებულია მხოლოდ რამდენიმე ჟურნალის შეტანა - “გზის”, “თბილისელების” და “რეიტინგის”.

“დანარჩენი გაზეთები პრაქტიკულად აკრძალულია. 27 მაისამდე “კვირის პალიტრასაც” უშვებდნენ, მაგრამ ესეც საშინლად აიკრძალა”- ამბობს ნიკოლაიშვილი.

მისი განმარტებით “როცა პოლიტიკური ტემპერატურა მაღლა იწევს და დაძაბულობა მატულობს, ყოველთვის ასე ხდება - ეს პირველი შემთხვევა არ არის”.

ნიკოლაიშვილის თქმით, გაზეთებთან ერთად ტელეარხების ჩვენებაც იკრძალება. “ადრე ხელმისაწვდომი იყო “კავკასია” და “მაესტრო” ახლა ესეც აკრძალულია და მხოლოდ “იმედს” და “რუსთავი 2”-ს აჩვენებენ, პირველი არხის ჩვენებაც კი აკრძალულია”.

პატიმრებისთვის პრესის აკრძალვის შესახებ საუბრობს “საქართველოს ახალგაზრდა იურისტთა ასოციაციაც”.

ამ ორგანიზაციის იურისტის, ნინო გობრონიძის თქმით, პატიმრებისთვის პრესის აკრძალვა დეკემბერში დაიწყო, რა დროსაც გაზეთებიდან ციხეში მხოლოდ კროსვორდებს უშვებდნენ, გლდანის მე -8 დაწესებულებაში კი, მხოლოდ რუსულენოვან ჟურნალებს.

“პატიმრების თქმით, სოციალური სამმსახურის თანამშრომლები ეუბნებოდნენ, რომ გაზეთების შეგზავნა ფოსტით შეიძლება, მაგრამ აფრთხილებდნენ, ოპოზიციური გამოცემების შემოტანას მოერიდეთო”- ამბობს გობრონიძე და დასძენს, რომ ეს ინფორმაცია გადაუმოწმებელია. 

Media.ge

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
თქვენი აზრით, ირღვევა თუ არა წინა ხელისუფლების ყოფილი მაღალჩინოსნების უფლებები?
ირღვევა არ ირღვევა არა ვარ ინფორმირებული მიჭირს პასუხის გაცემა

ბლოგი

მშიერი კომისიის წევრები და გაბრაზებული თავმჯდომარეები ბათუმში
არჩვენებს 2003 წლიდან ვაკვირდები. არც ერთი არჩევნები არ გამომიტოვებია, რასაც ვერ ვიტყოდი ჩემი საარჩევნო ხმის უფლების გამოყენებაზე - ყველა არჩევნებზე, იმის გამო რომ
ვრცლად...
ბეჭედი ნაკვეთურის გარეშე და ორსახელიანი ამომრჩეველი გურიაში
პირველად დამკვირვებლის სტატუსით
არქივი
    

რედაქტორის აზრი

პატიმართა მასობრივი პროტესტის მიზეზები
ბოლო ხანს მედიაში ერთ-ერთი აქტუალური თემაა პატიმართა პროტესტი გეგუთის კოლონიაში. ასობით პატიმარი პროტესტის სხვადასხვა ზომებს მიმართავს და კოლონიის დირექტორის გადაყენებას მოითხოვს. ისინი საპატიმროს
ვრცლად...
შემოდგომის ბუზი
ადამიანის უფლებათა ცენტრი მაღალჩინოსნების სასამართლო პროცესებს დააკვირდება
არქივი
თემები
კატეგორიები

Copyright © 2004 - 2014 HRIDC