16:32, Thursday, 31.07.2014
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

დაპირისპირებამ სოფელ მერეთში მოსახლეობასთან ივანიშვილის შეხვედრა ჩაშალა

27.06.2012

სივილ ჯორჯია

შიდა ქართლის რეგიონის სოფელ მერეთში 26 ივნისს შეხლა–შემოხლა მოხდა, როდესაც ოპოზიციური კოალიციის ლიდერი, ბიძინა ივანიშვილი სოფლის მოსახლეობასთან შეხვედრას მართავდა საარჩევნო კამპანიის ფარგლებში.

ორი ადამიანი, ორივე ივანიშვილის მხარდამჭერი და მათ შორის ერთი ახალგაზრდა ქალი, საავადმყოფოში გადაიყვანეს სამედიცინო დახმარების აღმოსაჩენად.

ივანიშვილი, ჩვენი საქართველო – თავისუფალი დემოკრატების ლიდერთან ირაკლი ალასანიასთან ერთად სოფელ მერეთში საარჩევნო კამპანიის ფარგლებში ჩავიდა. როდესაც ქართული ოცნების ერთ–ერთი მხარდამჭერი ივანიშვილს ესაუბრებოდა ტერიტორიული მთლიანობის აღდგენის საჭიროების თაობაზე, შუახნის მამაკაცი მიუახლოვდა და განაცხადა:  „ომის პერიოდში სად ბრძანდებოდნენ“. შემდეგ ივანიშვილი თავად მიუახლოვდა შორიახლო მდგომ ქალების ჯგუფს და ერთ–ერთმა მათგანმა უთხრა მას: „მე თქვენ და თქვენისთანა ადამიანები მიმაჩნია საქართველოს მოღალატეებად… პუტინმა დაგავალათ საქართველოში არეულობა შეგეტანათ.” მეორემ კი უთხრა: „სააკაშვილი მარტო პრეზიდენტი კი არა, ჩვენი ღმერთია“. როდესაც ივანიშვილი ამ ქალებს ესაუბრებოდა, რამდენიმე მეტრის მოშორებით შეხლა–შემოხლა დაიწყო. ადგილობრივებმა, რომლებიც ივანიშვილს უჭერენ მხარს, განაცხადეს, რომ ჩხუბი მმართველი პარტიის, მათ შორის ადგილობრივი სახელისუფლებო სტრუქტურების თანამშრომლების პროვოცირებული იყო.

მსგავსი შემთხვევა, როდესაც ახალგაზრდების ჯგუფი, რომლებიც „მიშა, მიშას“ სკანდირებდნენ იმ ტერიტორიის სიახლოვეს, სადაც ივანიშვილი ადგილობრივებთან შეხვედრას მართავდა, გასულ კვირეებში რამდენიმე სხვა სოფელშიც მოხდა აჭარისა და სამეგრელოს რეგიონებში. თუმცა, მერეთის ინციდენტი პირველი იყო, როდესაც დაპირისპირება მუშტი–კრივში გადაიზარდა. 

შსს–ს წარმომადგენელმა განაცხადა დეტალების დაკონკრეტების გარეშე, რომ მერეთის ინციდენტის გამოძიება დაიწყო და რამდენიმე ადამიანი გამოვლენილია, რომელთა მიმართაც კანონით გათვალისწინებული ღონისძიებები განხორციელდება.

„ეს არის ტიპიური იდეოლოგია სააკაშვილის, რომ როგორმე დააპირისპიროს საქართველოს მოსახლეობა... ჩვენ გვქონდა შეხვედრა ჩვენს მხარდამჭერებთან. გასაგებია, რომ ყველას შეიძლება ჩვენი პოლიტიკა არ მოსწონდეს, ჩვენი მხარდამჭერები არ იყვნენ, მაგრამ მათ არ უნდა ჩაშალონ ეს პროცესი“, – განაცხადა ბიძინა ივანიშვილმა სოფელ მერეთის დატოვებამდე.

თბილისში დაბრუნების შემდეგ მან ჟურნალისტებს განუცხადა, რომ მართალია პოლიციამ განაცხადა, რომ ინციდენტს იძიებს, მაგრამ გამოსაძიებელი არაფერია, ვინაიდან ეს ინციდენტი თავად პოლიციის მიერ იყო ორგანიზებული.

მერეთის ინციდენტზე კომენტირებისას პარლამენტის თავმჯდომარემ დავით ბაქრაძემ ოქტომბრის საპარლამენტო არჩევნების წინ თავშეკავებისკენ მოუწოდა. მან მიანიშნა, რომ მუშტი–კრივი შესაძლოა, იმ ადამიანების რეაქცია იყო, რომლებიც ივანიშვილის განცხადებებმა გააღიზიანა, განსაკუთრებით აგვისტოს ომის შესახებ.

„ძალიან კარგად მესმის რამდენად მძიმეა იქ მცხოვრები ადამიანებისთვის ნებისმიერი პოლიტიკოსის მხრიდან ისეთი სიტყვების მოსმენა, როგორიცაა „ომი დაიწყო საქართველომ“, – განაცხადა ბაქრაძემ.

მას, სავარაუდოდ, ივანიშვილის მიერ ნოემბერში გაკეთებული განცხადება ჰქონდა მხედველობაში.

„მე მესმის, რომ ამ ადამიანებისთვის ასეთი სიტყვები ასოცირდება კრემლის პოლიტიკის გაგრძელებასთან... მინდა, მოვუწოდო მთელ საზოგადოებას, ყველა პოლიტიკური ძალის მხარდამჭერს თავი ავარიდოთ ნებისმიერ ინციდენტს წინასაარჩევნო პროცესში, ვიყოთ თავშეკავებული, რაც არ უნდა მიუღებელი იყოს ამა თუ იმ პოლიტიკური ძალის გამონათქვამი ან პოზიცია“, - განაცხადა დავით ბაქრაძემ.

მერეთის ინციდენტამდე ერთი დღით ადრე პრეზიდენტი სააკაშვილი გამგებლებს და ადგილობრივი ხელისუფლების წარმომადგენლებს შეხვდა და მოუწოდა მათ, რომ „უპირობოდ დემოკრატიის, სამართლიანობის პრინციპით უზრუნველყოთ, რომ საარჩევნო პროცესი იყოს მართლაც სამაგალითო“.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
როგორ აფასებთ თბილისის ყოფილი მერის, გიგი უგულავას დაკავებას?
დააკავეს რეალური დანაშაულისათვის, საპროცესო ნორმების დაცვით დააკავეს რელური დანაშაულისათვის, მაგრამ საპროცესო ნორმების დარღვევით დააკავეს არარეალური ბრალდებით, პოლიტიკური მოტივებით მიჭირს პასუხის გაცემა

ბლოგი

მოჩვენებითი მშვიდობა ბალკანეთში
ხანგრძლივი და რთული მოსამზადებელი პერიოდის, წვალების შემდეგ 30 ივლისს სარაევოში ჩავფრინდით. ცუდი მეტეოპირობების გამო, დაფრენის დროს განცდილი დიდი შიშის მიუხედავად, თვითმფრინავის ილუმინატორიდან სარაევოს
ვრცლად...
მშიერი კომისიის წევრები და გაბრაზებული თავმჯდომარეები ბათუმში
ბეჭედი ნაკვეთურის გარეშე და ორსახელიანი ამომრჩეველი გურიაში
არქივი
    

რედაქტორის აზრი

რა დაემართა სამართლიანობის აღდგენის ოცნებას
„მართლმსაჯულების ხარვეზები“ - რბილად ასე ვუწოდებთ იმ სისტემურ პრობლემებს, რაც ქართულ მართლმსაჯულებას ექს-პრეზიდენტ მიხეილ სააკაშვილის მმართველობის წლებში ახასიათებდა. 
ვრცლად...
პატიმართა მასობრივი პროტესტის მიზეზები
შემოდგომის ბუზი
არქივი
თემები
კატეგორიები

Copyright © 2004 - 2014 HRIDC