08:54, Thursday, 24.04.2014
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ევროკავშირი შეშფოთებულია წინასაარჩევნო „პოლიტიკური დაძაბულობით”

29.06.2012

სივილ ჯორჯია

ევროკავშირი „სულ უფრო შეშფოთებულია საპარლამენტო არჩევნების წინ პოლიტიკური დაძაბულობის და პოლარიზაციის ზრდით“, განაცხადა შტეფან ფულემ, ევროკომისარმა ევროპული სამეზობლო პოლიტიკისა და გაფართოების საკითხებში 28 ივნისს ბრიუსელში პრეზიდენტ სააკაშვილთან შეხვედრის შემდეგ.

„საპარლამენტო არჩევნები ოქტომბერში და საპრეზიდენტო არჩევნები 2013 წელს მნიშვნელოვანი გამოცდები იქნება ქართული დემოკრატიისთვის და ჩვენ მოვუწოდებთ ყველა პოლიტიკურ ძალას, პატივი სცეს საარჩევნო პროცესს და უზრუნველყოს თავისუფალი და სამართლიანი ხმის მიცემა“, – განაცხადა ფულემ, -„გამოვთქვი რწმენა, რომ არჩევნები უპირველეს ყოვლისა იქნება პოლიტიკური პროგრამებსა და იდეებს“ შორის ჭიდილი.

მან ასევე განაცხადა, რომ ევროკავშირი განსაკუთრებული ყურადღებით ადევნებს თვალს მედიაგარემოსთან დაკავშირებულ საკითხებს.

ევროკომისიის მიერ გავრცელებულ პრესრელიზში ფულე ასევე აღნიშნავს იმ პროგრესს, რასაც საქართველომ მოდერნიზაციისა და რეფორმების გატარების კუთხით მიაღწია, რის მხარდაჭერასაც ევროკავშირი აღმოსავლეთ პარტნიორობის ფარგლებში კვლავაც გააგრძელებს.

„ასევე ნათელია, რომ საქართველოს სჭირდება შემდგომი ნაბიჯების გადადგმა და მოდერნიზაციის ამ გზის გაგრძელება და დემოკრატიის განმტკიცება“, – განაცხადა ფულემ.

მან ასევე აღნიშნა ევროკავშირის მხარდაჭერა საქართველოს სეპარატისტულ რეგიონებში მცხოვრებთათვის განკუთვნილი ნეიტრალური სამგზავრო დოკუმენტების გამოყენების მიმართ.

ბრიუსელში პრეზიდენტი სააკაშვილი ასევე შეხვდა ევროკავშირის საგარეო საქმეთა და უსაფრთხოების პოლიტიკის უმაღლეს წარმომადგენელს კეტრინ ეშტონს; ევროპარლამენტის პრეზიდენტს მარტინ შულცს; ევროკომისარს ენერგეტიკის საკითხებში გიუნტერ ოტინგერს და ევროკომისარს განვითარების საკითხებში ანდრის პიბალგს.

პრეზიდენტი ბრიუსელში მონაწილეობდა ევროპის სახალხო პარტიის სამიტის მუშაობაში.

სააკაშვილმა 27 ივნისს თავის სატელევიზიო გამოსვლაში აღნიშნა, რომ საქართველოსთვის გადამწყვეტი და ისტორიული მნიშვნელობის მოვლენები ვითარდება ევროკავშირთან ურთიერთობებში.

„დარწმუნებული ვარ, უახლოეს მომავალში, 16-18 თვის განმავლობაში, მივიღებთ თავისუფალი ვაჭრობის რეჟიმს ევროპასთან“, – განაცხადა მან, - „ასევე ამ პერიოდის განმავლობაში... საქართველოს თითოეულ მოქალაქეს უნდა ჰქონდეს  უვიზო გადაადგილება ევროკავშირის მასშტაბით“.

ორივე ამ მიმართულებით, მისი თქმით, საქართველო აქტიურად მუშაობს.

სააკაშვილი ასევე შეეხო საქართველოს შიდა პოლიტიკას და განაცხადა, რომ არის „იაფფასიანი მცდელობები, ერთი ქვეყნიდან შემოსული ფულით ცხვრებივით იყიდონ ჩვენი ხალხის ხმა, რაც სრული უპატივცემულობაა ჩვენი ხალხის არჩევანის მიმართ“. „ეს, რა თქმა უნდა, არა თუ მიუღებელია, არამედ, საერთოდ არაცივილიზებულია“, – განაცხადა მან.

პრეზიდენტმა განაცხადა, რომ უახლოეს მომავალში სამთავრობო პროგრამის ახალ ეტაპი გამოცხადდება, რომელიც უახლოეს თვეებსა და წლებს მოიცავს.

„პოლიტიკური და ეკონომიკური მიმართულების გარდა, პროგრამის მნიშვნელოვანი  ნაწილი ევროპასთან ურთიერთობების  მიმართულებასაც მოიცავს... ამიტომ ამ პროგრამის გამოცხადების წინაც, ჩემთვის მნიშვნელოვანი იყო ბრიუსელში ჩამოსვლა და ამ შეხვედრების გამართვა“, – განაცხადა მან

ფოტო: ევროკომისარი ევროპული სამეზობლო პოლიტიკისა და გაფართოების საკითხებში შტეფან ფულე და პრეზიდენტი სააკაშვილი 28 ივნისს ბრიუსელში შეხვედრის წინ.

ორიგინალი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
თქვენი აზრით, ირღვევა თუ არა წინა ხელისუფლების ყოფილი მაღალჩინოსნების უფლებები?
ირღვევა არ ირღვევა არა ვარ ინფორმირებული მიჭირს პასუხის გაცემა

ბლოგი

მშიერი კომისიის წევრები და გაბრაზებული თავმჯდომარეები ბათუმში
არჩვენებს 2003 წლიდან ვაკვირდები. არც ერთი არჩევნები არ გამომიტოვებია, რასაც ვერ ვიტყოდი ჩემი საარჩევნო ხმის უფლების გამოყენებაზე - ყველა არჩევნებზე, იმის გამო რომ
ვრცლად...
ბეჭედი ნაკვეთურის გარეშე და ორსახელიანი ამომრჩეველი გურიაში
პირველად დამკვირვებლის სტატუსით
არქივი
    

რედაქტორის აზრი

პატიმართა მასობრივი პროტესტის მიზეზები
ბოლო ხანს მედიაში ერთ-ერთი აქტუალური თემაა პატიმართა პროტესტი გეგუთის კოლონიაში. ასობით პატიმარი პროტესტის სხვადასხვა ზომებს მიმართავს და კოლონიის დირექტორის გადაყენებას მოითხოვს. ისინი საპატიმროს
ვრცლად...
შემოდგომის ბუზი
ადამიანის უფლებათა ცენტრი მაღალჩინოსნების სასამართლო პროცესებს დააკვირდება
არქივი
თემები
კატეგორიები

Copyright © 2004 - 2014 HRIDC