04:06, Sunday, 26.10.2014
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

მღვდლების როლის შემსრულებლებმა „ჯვრისწერა“ დატოვეს

02.07.2012
ლევან ღლონტის ფილმი „ჯვრისწერა“ - ორმა მსახიობმა დატოვა. მსახიობებმა ფილმიდან წასვლა მას შემდეგ გადაწყვიტეს, რაც გადასაღებ მოედანთან სასულიერო პირები და სემინარიის სტუდენტები შეიკრიბნენ და ფილმის გადაღება ჩაშალეს. 

რეჟისორმა ლევან ღლონტმა პროექტის - „თბილისი ჩემი ქალაქი“ ფარგლებში, მოკლემეტრაჟიანი ფილმის „ჯვრისწერის“ - გადაღება დაასრულა. ფილმი ფართო ეკრანებზე გამოსვლამდე განსაკუთრებულად პოპულარული მის ირგვლივ ატეხილი აურზაურის გამო გახდა. ფილმის ირგვლივ აურზაური კი ერთმა პატარა ეპიზოდმა გამოიწვია, რომელშიც მოძღვარი გორგოლაჭებით, ე.წ როლიკებით დასრიალებს.
 
გადასაღებ მოედანზე, რომელიც რიყის პარკზე იყო გაშლილი, სასულიერო პირები და სასულიერო სემინარიის სტუდენტები მივიდნენ, რომლებმაც გადაღება ჩაშალეს. სასულიერო პირების თქმით, მოძღვრის გორგოლაჭებზე დაყენება მკრეხელობაა.
 
ქადაგებისა და მუქარის შედეგად მღვდლის როლის შემსრულებელმა რამდენიმე მსახიობმა ფილმში მონაწილეობაზე უარი თქვა.
 
რეჟისორი ლევან ღლონტი „ნეტგაზეთან“ საუბარში ადასტურებს, რომ მსახიობებმა პროექტი დატოვეს, თუმცა ზუსტი მოტივის დასახელება უჭირს.
 
„იმ მცირე ეპიზოდში მონაწილეობდა 6 მოძღვარი და დიახ, ორი იქიდან წავიდა, თუმცა მათ წასვლის მიზეზი არ უთქვამთ. ჩანს, რომ ისინი უბრალოდ ძალიან აღელდნენ შექმნილი მდგომარეობის გამო“, - განაცხადა ფილმის რეჟისორიმა ლევან ღლონტმა.
 
ფილმის მიმართულების პროდიუსერის მარიკა ჯაბუას თქმით, მსახიობებმა პროექტი, მათი პირადი მოტივებით დატოვეს.
 
„ფსიქოლოგიური ზეწოლა სასულიერო პირებისგან იყო ძალიან დიდი. ისინი იმუქრებოდნენ თუ ქადაგებდნენ გეენის ცეცხლზე და იმ ცოდვაზე, რომელშიც მღვდლის განმასახიერებელი მსახიობები ცვივდებოდნენ. რამდენიმე მსახიობმა ამ ზეწოლას ვერ გაუძლო და პროექტიდან წავიდა“, - განაცხადა მარიკა ჯაბუამ.
 
მისივე თქმით, ეს მსახიობები ამ საკითხზე პრესასთან ურთიერთობაზე უარს ამბობენ.
 
მოკლემენტრაჟიანი ფილმი „ჯვრისწერა“ სექტემბრის თვეში გამოვა ეკრანებზე.

ნინო თოფურიძე netgazeti

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
როგორ აფასებთ თბილისის ყოფილი მერის, გიგი უგულავას დაკავებას?
დააკავეს რეალური დანაშაულისათვის, საპროცესო ნორმების დაცვით დააკავეს რელური დანაშაულისათვის, მაგრამ საპროცესო ნორმების დარღვევით დააკავეს არარეალური ბრალდებით, პოლიტიკური მოტივებით მიჭირს პასუხის გაცემა

ბლოგი

მოჩვენებითი მშვიდობა ბალკანეთში
ხანგრძლივი და რთული მოსამზადებელი პერიოდის, წვალების შემდეგ 30 ივლისს სარაევოში ჩავფრინდით. ცუდი მეტეოპირობების გამო, დაფრენის დროს განცდილი დიდი შიშის მიუხედავად, თვითმფრინავის ილუმინატორიდან სარაევოს
ვრცლად...
მშიერი კომისიის წევრები და გაბრაზებული თავმჯდომარეები ბათუმში
ბეჭედი ნაკვეთურის გარეშე და ორსახელიანი ამომრჩეველი გურიაში
არქივი
    

რედაქტორის აზრი

რა დაემართა სამართლიანობის აღდგენის ოცნებას
"მართლმსაჯულების ხარვეზები“ - რბილად ასე ვუწოდებთ იმ სისტემურ პრობლემებს, რაც ქართულ მართლმსაჯულებას ექს-პრეზიდენტ მიხეილ სააკაშვილის მმართველობის წლებში ახასიათებდა. 
ვრცლად...
პატიმართა მასობრივი პროტესტის მიზეზები
შემოდგომის ბუზი
არქივი
თემები
კატეგორიები

Copyright © 2004 - 2014 HRIDC