ნანა ფეიქრიშვილი ანგარიშზე ყადაღის მოხსნას მოითხოვს, წინააღმდეგ შემთხვევაში თავის დაწვით იმუქრება
ნანა ფეიქრიშვილი მთავარი პროკურატურისგან მოითხოვს, აეხსნას ყადაღა მის ანგარიშზე არსებულ თანხას, წინააღმდეგ შემთხვევაში თავის დაწვით იმუქრება.
ნანა ფეიქრიშვილი დღეს მთავარი პროკურატურის შენობის წინ პროტესტის გამოსახატად მივიდა. როგორც ფეიქრიშვილი განმარტავს, მას ფონდ "ქომაგმა" ივნისში გადმოურიცხა 1 500 ლარი შვილის ოპერაციისთვის და პრიკურატურამ სასამართლოს გადაწყვეტილებით ეს თანხა დააყადაღა.
როგორც ნანა ფეიქრიშვილი განმარტავს, მისი შვილი ინვალიდია და ის სასწრაფო ოპერაციას საჭიროებს. მისი თქმით, ბავშვის მკურალობისათვის არაერთხელ მიმართა "ნაციონალურ მოძრაობას" და მისგან დახმარებაც მიიღო. ფეიქრიშვილის განმარტებით, ოპერაციის თანხის საგარანტიო ფურცელი მან "ნაციონალური მოძრაობის" წარმომადგენელისგან მიიღო, თუმცა ამ დოკუმენტით ექიმებმა მის შვილს ოპერაცია არ გაუკეთეს, რის გამოც იძულებული გახდა, ფონდ "ქომაგისთვის" მიემართა.
ნანა ფეიქრიშვილის თქმით, არ არის არც ერთი პოლიტიკური პარტიის წარმომადგენელი და მხოლოდ საკუთარი შვილის გადარჩენას ცდილობს. მისი განცხადებით, თუ თანხას ყადაღა არ მოეხსნება, თავს დაიწვავს.
ინტერპრესნიუსი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
