21:15, Friday, 18.04.2014
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

პატიმარი მიხეილ ბაზაზიანი გლდანის ციხის საავადმყოფოში, სავარაუდოდ, გარდაცვლილი მიიყვანეს

09.07.2012
პატიმარი მიხეილ ბაზაზიანი გლდანის ციხის საავადმყოფოში სავარაუდოდ, გარდაცვლილი მიიყვანეს. ამის შესახებ „პირველს“ უფლებადამცველმა ნანა კაკაბაძემ განუცხადა.

„გლდანის ციხის კანცელარიაში განგვიცხადეს, რომ მათთან პატიმარი ცოცხალი არ მიუყვანიათ და ოჯახს ისეთივე მდგომარეობაში გაატანს პატიმარი, როგორც მიიყვანეს - გარდაცვლილი. ამ წუთებში დანარჩენ დეტალებს ვარკვევთ“, - განაცხადა კაკაბაძემ.

ამასთან, მისივე თქმით, გლდანის საპყრობილეში გარდაცვლილი პატიმრის, 21 წლის მიხეილ ბაზაზიანის ოჯახის წევრები დამოუკიდებელი ექსპერტიზის ჩატარებას ითხოვენ.

ბაზაზიანის ოჯახის წევრების თქმით, გარდაცვლილს სხეულზე დაზიანებები აღენიშნება. ისინი ფიქრობენ, რომ პატიმარი მოკლულია.

როგორც გარდაცვლილის ოჯახის წევრები აცხადებენ, ისინი სასჯელაღსრულების სამინისტროს მიერ ჩატარებული ექსპერტიზის შედეგებს არ ენდობიან და დამოუკიდებელი ექსპერტიზის ჩატარებას მოითხოვენ.

საქართველოს სასჯელაღსრულების, პრობაციისა და იურიდიული დახმარების საკითხთა სამინისტროს ინფორმაციით, ბაზაზიანის გარდაცვალების სავარაუდო მიზეზი - გულსისხლძარღვთა მწვავე უკმარისობა გახდა.

„საქართველოს სასჯელაღსრულების, პრობაციისა და იურიდიული დახმარების საკითხთა სამინისტრო მსჯავრდებულ მ.ბ-ს გარდაცვალებასთან დაკავშირებით ღრმა მწუხარებას გამოხატავს. საზოგადოების შეცდომაში შეყვანა რომ არ მოხდეს, სამინისტროს მიზანშეწონილად მიაჩნია მსჯავრდებულის გარდაცვალებასთან დაკავშირებით საზოგადოებას შემდეგი ინფორმაცია ამცნოს: მიმდინარე წლის 5 ივლისს სასჯელაღსრულების სისტემაში მსჯავრდებული მ.ბ. უეცრად გარდაიცვალა. გარდაცვალების სავარაუდო მიზეზი - გულსისხლძარღვთა მწვავე უკმარისობა. მსჯავრდებულ მ.ბ.-ს გარდაცვალებასთან დაკავშირებით, 2012 წლის 5 ივლისს, ისევე, როგორც ყველა შემთხვევაში, ამ ფაქტთან დაკავშირებით ექსპერტიზა მყისიერად დაინიშნა. სამინისტრო მოუწოდებს ყველა დაინტერესებულ მხარეს, თავი შეიკავოს ზემოაღნიშნული სამწუხარო ფაქტის წინასწარი შეფასებებისაგან“, - ნათქვამია განცხადებაში.

საინფორმაციო სააგენტო „პირველი“

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
თქვენი აზრით, ირღვევა თუ არა წინა ხელისუფლების ყოფილი მაღალჩინოსნების უფლებები?
ირღვევა არ ირღვევა არა ვარ ინფორმირებული მიჭირს პასუხის გაცემა

ბლოგი

მშიერი კომისიის წევრები და გაბრაზებული თავმჯდომარეები ბათუმში
არჩვენებს 2003 წლიდან ვაკვირდები. არც ერთი არჩევნები არ გამომიტოვებია, რასაც ვერ ვიტყოდი ჩემი საარჩევნო ხმის უფლების გამოყენებაზე - ყველა არჩევნებზე, იმის გამო რომ
ვრცლად...
ბეჭედი ნაკვეთურის გარეშე და ორსახელიანი ამომრჩეველი გურიაში
პირველად დამკვირვებლის სტატუსით
არქივი
    

რედაქტორის აზრი

პატიმართა მასობრივი პროტესტის მიზეზები
ბოლო ხანს მედიაში ერთ-ერთი აქტუალური თემაა პატიმართა პროტესტი გეგუთის კოლონიაში. ასობით პატიმარი პროტესტის სხვადასხვა ზომებს მიმართავს და კოლონიის დირექტორის გადაყენებას მოითხოვს. ისინი საპატიმროს
ვრცლად...
შემოდგომის ბუზი
ადამიანის უფლებათა ცენტრი მაღალჩინოსნების სასამართლო პროცესებს დააკვირდება
არქივი
თემები
კატეგორიები

Copyright © 2004 - 2014 HRIDC