10:17, Wednesday, 25.05.2016
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ეუთოს წარმომადგენელი მედიის საკითხებში საქართველოში შეშფოთებულია

19.07.2012
ეუთოს წარმომადგენელმა მედიის თავისუფლების საკითხებში დუნია მიატოვიჩმა 16 ივლისს შეშფოთება გამოხატა „საქართველოში ბოლო კვირების მანძილზე ჟურნალისტების წინააღმდეგ ძალადობის განმეორებითი ფაქტების გამო“ და საქართველოს ხელისუფლებას ამ ფაქტების ზედმიწევნით გამოძიებისკენ მოუწოდა.

„ჟურნალისტებს დაუბრკოლებლად მუშაობის საშუალება უნდა ჰქონდეთ, მიუხედავად იმ მედია საშუალების პოლიტიკური ინტერესისა, რომელსაც ისინი წარმოადგენენ. ხელისუფლების პასუხისმგებლობაა იმის უზრუნველყოფა, რომ მედიის წარმომადგენლებმა თავიანთი პროფესიული მოვალეობების შესრულება ძალადობის შიშის ან სხვა რაიმე ფორმით დაბრკოლების გარეშე შეძლონ“, – ნათქვამია მიატოვიჩის განცხადებაში.

თორმეტზე მეტი ადამიანი დაშავდა ბიძინა ივანიშვილის ოპოზიციური კოალიციის „ქართული ოცნების“ აქტივისტებს და ხელისუფლების მხარდამჭერებს შორის 12 ივლისს სოფელ კარალეთში მომხდარი დაპირისპირების დროს. ათი მათგანი ჟურნალისტია, რომელთა შორის არიან ტელეკომპანია „მეცხრე არხის“ და სააგენტო „ინფო–9“–ს ჟურნალისტები, ასევე ტელეკომპანია „თრიალეთის“ ჟურნალისტები, რომლის მეწილე „მეცხრე არხიც“ არის და საინფორმაციო სააგენტოს „შიდა ქართლის საინფორმაციო ცენტრის“ ჟურნალისტები. იყო სხვა შემთხვევებიც, რომლის დროსაც ამ მედია საშუალებების ჟურნალისტები დევნის შესახებ იტყობინებოდნენ, მათ შორის 26 ივნისს მერეთში მომხდარი დაპირისპირებისას. კარალეთის  ინციდენტთან დაკავშირებით 6 ადამიანი დააკავეს და 15–დღიანი პატიმრობა მიუსაჯეს; ერთ–ერთი მათგანი ჟურნალისტზე თავდასხმის გამო იქნა დაკავებული.

მაისში ეუთოს წარმომადგენელს მედიის თავისუფლების საკითხებში საქართველოს მთავრობასთან მიმოწერა ჰქონდა ჟურნალისტების წინააღმდეგ ძალადობის და დევნის შემთხვევებთან დაკავშირებით.

„მე შეშფოთებული ვარ ამ ინციდენტების გამო და ვიმედოვნებ, რომ ხელისუფლება ყველაფერს გააკეთებს იმისათვის, რომ შეცვალოს ეს შემაშფოთებელი ტენდენცია“, – ნათქვამია მიატოვიჩის განცხადებაში.

თავის განცხადებაში მან ასევე წამოწია ტელეკომპანია „მაესტროს“ მიერ შემოტანილი, დაახლოებით, 10 000 სატელიტური ანტენის დაყადაღების საკითხი და იმედი გამოთქვა, რომ ხელისუფლების ეს გადაწყვეტილება უარყოფითად არ აისახება მაყურებელთა უფლებაზე თავისუფლად მიიღონ ინფორმაცია.

სივილ ჯორჯია

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
გიორგი კვირიკაშვილის პრემიერ-მინისტრად დანიშვნამ რა გავლენა იქონია ადამიანის უფლებების მდგომარეობაზე?
გაუმჯობესდა გაუარესდა არაფერი შეცვლილა მიჭირს პასუხის გაცემა

ბლოგი

კუდები გვაკვირვებს
ბოლო დღეების განმავლობაში საზოგადოებისთვის თვალშისაცემია კამპანია „ეს შენ გეხებას“ გააქტიურება. კამპანიის ცნობილ მარკაზე გაჩნდა ახალი წარწერა - „ისევ გვისმენენ - ისევ გვითვალთვალებენ“. ეს
ვრცლად...
მოჩვენებითი მშვიდობა ბალკანეთში
მშიერი კომისიის წევრები და გაბრაზებული თავმჯდომარეები ბათუმში
არქივი
  

       

რედაქტორის აზრი

უიმედოთა სოფელი
სამკურნალო წყლის - „ძუღურის“ შესახებ პირველად რამდენიმე დღის წინ შევიტყვე. ინფორმაციის მოძიების შემდეგ გავიგეთ, რომ „ძუღურის წყალი“ ქუთაისში ჯაჭვის ხიდთან იყიდებოდა. იქიდან დაიწყო
ვრცლად...
რა დაემართა სამართლიანობის აღდგენის ოცნებას
პატიმართა მასობრივი პროტესტის მიზეზები
არქივი
თემები
კატეგორიები

Copyright © 2004 - 2016 HRIDC