ლაგოდეხის რაიონის სოფელ კაბალში მე–9 კლასის მოსწავლე გაიტაცეს. გოგონას მშობლები ბავშვის სასწრაფოდ დაბრუნებას ითხოვენ. როგორც მათ კახეთის საინფორმაციო ცენტრს აცნობეს, რეაგირებისათვის პოლიციას მიმართეს, მაგრამ უშედეგოდ.
„ცოლად შერთვის მიზნით გაიტაცა სახლიდან, ჩვენ შინ არ ვიყავით და მაშინ წაიყვანეს. ის ბიჭიც კაბალში მაცხოვრებელია, მაგრამ არ გვინდა, რომ ჩვენი შვილი მისი ცოლი გახდეს. მაგას ერთი ცოლი უკვე ჰყავდა და გააგდო. პოლიციაში ვიყავით აფენში. უკვე რამდენიმე საათი გავიდა და ყურადღებას არ გვაქცევენ“, – აღნიშნეს გატაცებული გოგონას მშობლებმა.
როგორც ლაგოდეხის პოლიციის აფენის ქვეგანყოფილებაში განმარტეს, გოგონას მშობლები იმიტომ დაობენ, რომ ბიჭის ოჯახს რაც შეიძლება მეტი ფული ან საქონელი გამოართვან. „ამათ წესი აქვთ ასეთი. ქალი რომ მიგყავს, მის ოჯახს ფული უნდა გადაუხადო, ან საქონელი მისცე. ამიტომაც დაობენ“, – განაცხადეს პოლიციაში.
გოგონას მშობლები პოლიციას უყურადღებობაში ადანაშაულებენ. მათი თქმით, ასეთი ტრადიცია ეთნიკურად აზერბაიჯანელებს ნამდვილად აქვთ, თუმცა მათ ბავშვის დაბრუნება უნდათ და არა მეტი სარგებლის მიღება.
კახეთის საინფორმაციო ცენტრი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
