ვაჩნაძეანის საჯარო სკოლის ქართული ენისა და ლიტერატურის მასწავლებელმა ელზა პარკაულმა, სტიქიით დაზარალებულ სოფელში მყოფ „ქართული ოცნების“ ლიდერს ბიძინა ივანიშვილს სთხოვა, მის სახლში არ შესულიყო. „არ შემოხვიდეთ გთხოვთ, სამსახურიდან გამათავისუფლებენ“, – მიმართა ელზა პარკაულმა ივანიშვილს.
კოალიციის ლიდერმა მასწავლებლის თხოვნა გაიზიარა და ეზოში არ შევიდა. „არ გვინდა კიდევ ერთი ადამიანი დარჩეს უმუშევარი“, – განაცხადა ბიძინა ივანიშვილმა.
ელზა პარკაულის საცხოვრებელ სახლს სტიქიის შედეგად სახურავი მთლიანად გადახდილი აქვს. გადახურვის სამუშაოები მის სახლში ამ დრომდე არ მიმდინარეობს.
კახეთის საინფორმაციო ცენტრი