19:20, Thursday, 14.11.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

იზოლატორებში „ქართული ოცნების“ წევრები შიმშილობენ

27.07.2012
საგარეჯოს დროებითი მოთავსების იზოლატორში კოალიცია „ქართული ოცნების“ წევრი კახაბერ გოგიაშვილი, რომელიც კარალეთში მომხდარი ინციდენტის გამოა დაკავებული, მეთერთმეტე დღეა, შიმშილობს. პროტესტის ნიშნად უკვე რამდენიმე დღეა, შიმშილობს „ქართული ოცნების“ კიდევ ერთი წევრი ცოტნე შენგელია, რომელიც თელავის იზოლატორშია მოთავსებული. 27 ივლისს, დილიდან, თელავის იზოლატორში შიმშილობა გამოაცხადა ვლადიმერ ჯანეზაშვილმაც. 

„ვლადიმერ ჯანეზაშვილმა შიმშილობა მას შემდეგ დაიწყო, რაც გაიგო, რომ სააპელაციო სასამართლომ ძალაში დატოვა გორის რაიონული სასამართლოს დადგენილება, რომლის საფუძველზეც ისინი ადმინისტრაციულ პატიმრობაში იმყოფებიან. თელავის იზოლატორში ჯანეზაშვილი და შენგელია ნორმალურ პირობებში არიან. გოგიაშვილი კი, რომელიც საგარეჯოს დროებითი მოთავსების იზოლატორშია, მძიმე პირობებში იმყოფებოდა. იზოლატორის ხელმძღვანელი ნიკოლოზ გაბაშვილი აწამებდა თანამშრომლებთან ერთად - არ აძლევდა ძილის საშუალებას, მხოლოდ ჯდომის უფლება ჰქონდა, არც დგომის და არც წოლის საშუალებას არ აძლევდნენ. ტუალეტში საათობით არ უშვებდნენ, საჭმელს არ აძლევდნენ. აიძულებდნენ, ეგინებინა ივანიშვილი, კალაძე და ზვიადაური. გოგიაშვილმა პროკურატურას მიმართა. დღეს მთავარ პროკურორს განმეორებითი საჩივრით მივმართავთ, რომ დამნაშავეები დაისაჯონ“, – განუცხადა კახეთის საინფორმაციო ცენტრს ადვოკატმა თედო კობახიძემ.

კახაბერ გოგიაშვილი, ცოტნე შენგელია და ვლადიმერ ჯანეზაშვილი 11 ივლისს, გორის რაიონის სოფელ კარალეთში „ქართული ოცნების“ მომხრეებსა და  მოწინააღმდეგეებს შორის მომხდარი ინციდენტის გამო დააკავეს. გორის რაიონულმა სასამართლომ მათ 15 დღით ადმინისტრაციული პატიმრობა შეუფარდა. დაკავებულებს პატიმრობის ვადა ხვალ უმთავრდებათ.

კახეთის საინფორმაციო ცენტრის ინფორმაციით, კახა გოგიაშვილი იზოლატორს 19:45 საათზე დატოვებს, ცოტნე შენგელია 20:00 საათზე, ვლადიმერ ჯანეზაშვილი კი 21:00 საათზე.

კახეთის საინფორმაციო ცენტრი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC