12:27, Tuesday, 16.09.2014
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

„არჩევნის თავისუფლებისთვის“ მიერ მოპოვებულ პოლიციელის მეხსიერების ბარათში მოსახლეობის შესახებ ინფორმაციაა ჩაწერილი

30.07.2012
კოალიცია „არჩევნის თავისუფლებისთვის“ წარმომადგენლებმა მოიპოვეს ლანჩხუთის რაიონის პოლიციის თანამშრომლის, შმაგი ურატაძის მეხსიერების ბარათი, რომელზეც მოსახლეობის შესახებ ინფორმაციაა ჩაწერილი. 

როგორც დღევანდელ პრესკონფერენციაზე კოალიციის წევრის, "რეგიონული მედიის ასოციაციის" ხელმძღვანელმა ია მამალაძემ განაცხადა, პოლიციელის ბარათზე ჩაწერილია სოფლების - აცანასა და ჯურუყვეთის მოსახლეობის სია, თუ სად არიან ისინი დასაქმებულები, რა ბიზნესს აწარმოებენ, რომელ პოლიტიკურ პარტიას უჭერენ მხარს და რომელი სამაუწყებლო კომპანიის სატელიტური თეფში აქვთ დამონტაჟებული. 

„ამ მასალით ირკვევა, რომ პოლიცია სასამართლოს სანქციის გარეშე აწარმოებს თვალთვალს და აგროვებს ინფორმაციას სოფლებში მცხოვრები მოქალაქეების პოლიტიკური შეხედულებების, ოპოზიციის ადგილობრივი ლიდერების, საჯარო მოსამსახურეებისა და მათი ოჯახის წევრების თაობაზე. გვაქვს საფუძლიანი ეჭვი, რომ პოლიციელი უროტაძე სოფელ აცანაში ამ სამუშაოს ასრულებდა არა საკუთარი ინიციატივით, არამედ, ხელმძღვანელობის დავალებით“, - განაცხადა ია მამალაძემ და დასძინა, რომ მეხსიერების ბარათში ინახება პოლიციელ ბენდელიანის მიერ სოფელ ჯურუყვეთის მოსახლეობის შესახებ ინფორმაციები.

კოალიცია „არჩევნის თავისუფლებისთვის“ წარმომადგენლის, ირაკლი მელაშვილის ინფორმაციით, რეგიონებში სამართალდამცავები პოლიტიკურ პოლიციელებად არიან გადაქცეულები, რომლებსაც დავალებული აქვთ მოსახლეობის პოლიტიკური შეხედულებების შესწავლა, რაც საქართველოს კონსტიტუციის უხეში დარღვევაა.

მედიაექსპერტი ზვიად ქორიძე აღნიშნულ ფაქტთან დაკავშირებით უშიშროების საბჭოს უწყებათაშორისი კომისიისთვის მიმართვის აუცილებლობაზე საუბრობს და აცხადებს, რომ სასწრაფოდ გამოძიება დაიწყოს.

„ბუნებრივია, შეუძლებლად მიგვაჩნია ასეთი გამოძიების ჩატარება დაევალოს სამართალდამცავ ორგანოებს, რადგანაც ზემოაღნიშნულ ინფორმაციაში საუბარია სწორედ მათ უკანონო, ანტიკონსტიტუციურ საქმიანობაზე. დარწმუნებული არ ვართ, რომ სამართალდამცავი ორგანოებისთვის ელექტრონული ჩიპის გადაცემის შემთხვევაში არ მოხდება მასზე არსებული ინფორმაციის განადგურება ან შეცვლა“, - განაცხადა ზვიად ქორიძემ.

ინტერპრესნიუსი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
როგორ აფასებთ თბილისის ყოფილი მერის, გიგი უგულავას დაკავებას?
დააკავეს რეალური დანაშაულისათვის, საპროცესო ნორმების დაცვით დააკავეს რელური დანაშაულისათვის, მაგრამ საპროცესო ნორმების დარღვევით დააკავეს არარეალური ბრალდებით, პოლიტიკური მოტივებით მიჭირს პასუხის გაცემა

ბლოგი

მოჩვენებითი მშვიდობა ბალკანეთში
ხანგრძლივი და რთული მოსამზადებელი პერიოდის, წვალების შემდეგ 30 ივლისს სარაევოში ჩავფრინდით. ცუდი მეტეოპირობების გამო, დაფრენის დროს განცდილი დიდი შიშის მიუხედავად, თვითმფრინავის ილუმინატორიდან სარაევოს
ვრცლად...
მშიერი კომისიის წევრები და გაბრაზებული თავმჯდომარეები ბათუმში
ბეჭედი ნაკვეთურის გარეშე და ორსახელიანი ამომრჩეველი გურიაში
არქივი
    

რედაქტორის აზრი

რა დაემართა სამართლიანობის აღდგენის ოცნებას
„მართლმსაჯულების ხარვეზები“ - რბილად ასე ვუწოდებთ იმ სისტემურ პრობლემებს, რაც ქართულ მართლმსაჯულებას ექს-პრეზიდენტ მიხეილ სააკაშვილის მმართველობის წლებში ახასიათებდა. 
ვრცლად...
პატიმართა მასობრივი პროტესტის მიზეზები
შემოდგომის ბუზი
არქივი
თემები
კატეგორიები

Copyright © 2004 - 2014 HRIDC