11:04, Wednesday, 13.11.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

არასამთავრობო ორგანიზაციები სტრასბურგის სასამართლოს საქართველოს კანონმდებლობაში შეტანილ შემაშფოთებელ ცვლილებებზე ინფორმაციას აწვდიან

31.07.2012

Humanrights.ge

ორგანიზაცია „ადამიანის უფლებათა პრიორიტეტმა“ ადამიანის უფლებათა
ევროპული სასამართლოს გადაწყვეტილებათა აღსრულების დეპარტმანეტს მიმართა და ევროსასამართლოს ინდივიდუალურ საჩივრებზე მიღებულ გადაწყვეტილებათა აღსრულების საკანონმდებლო ჩარჩოს შესახებ ინფორმაცია მიაწოდა.

„ადამიანის უფლებათა პრიორიტეტი“ მიმართვაში ყურადღებას ამახვილებს 2011 წლის 28 ოქტომბრის ცვლილებებზე საქართველოს სისხლის სამართლის საპროცესო კოდექსში, სადაც შეიტანეს ახალი დებულება, რომლის თანახმად, ახლადგამოვლენილი გარემოების გამო საქმის გადასინჯვის საფუძველი შეიძლება გახდეს ადამიანის უფლებათა ევროპული სასამართლოს კანონიერ ძალაში შესული გადაწყვეტილება, რითაც დადგინდება ადამიანის უფლებათა ევროპული კონვენციისა ან/და მისი დამატებითი ოქმების დარღვევა. 

„ადამიანის უფლებათა პრიორიტეტის“ შეფასებით, თავად ის ფაქტი, რომ ევროპული სასამართლოს გადაწყვეტილებას არ გააჩნია განსაკუთრებული სტატუსი და სახელმწიფოსათვის სამოქალაქო სამართალწარმოებაში წარმოადგენს მხოლოდ ახლადაღმოჩენილ გარემოებას, უკვე საყურადღებოა. 

„საქართველოს ხელისუფლება თავს არიდებს პასუხისმგებლობას და წარმოუდგენლად დიდ ტვირთს აკისრებს კონვენციის დარღვევის მსხვერპლს, რაც სწორედ იმაში გამოიხატება, რომ კანონმდებლობაში შეტანილი ცვლილებებით, საქმის მხარის მიერ მოგების შემთხვევაში ავტომატურად კი არ ხდება საქმის წარმოების განახლება, არამედ სახელმწიფო საქმის განახლებისათვის საჩივრის მომზადებისა და წარდგენის ვალდებულებას აკისრებს პირს, რომელიც მთავრობის მიერ თავისი ვალდებულებების შეუსრულებლობის გამო გახდა კონვენციის დარღვევის მსხვერპლი, ვერ მიაღწია დარღვეული უფლების აღდგენას შიდასახელმწიფოებრივი საშუალებებისათვის მიმართვისა და სრულად ამოწურვის გზით და იძულებული გახდა, მიემართა ევროპული სასამართლოსათვის. ამასთან, მეტად შეზღუდულ ვადებში და განსაკუთრებული მოთხოვნების დაცვით“, - ნათქვამია „ადამიანის უფლებათა პრიორიტეტის“ მიერ გავრცელებულ მიმართვაში.

„ნებისმიერი არასამთავრობო ორგანიზაციის მიმართვა ამ ორგანოსადმი მნიშვნელოვანია და მათივე პროცედურის თანახმად, სავალდებულოა განსახილველად. რაც უფრო მეტი არასამთავრობო ორგანიზაცია მოამზადებს მსგავს მიმართვას, მით უფრო საყურადღებო და ანგარიშგასაწევი იქნება ეს საკითხი მინისტრთა კომიტეტისათვის. თუ თქვენ ეთანხმებით წინამდებარე მიმართვას ან გსურთ სხვა საკითხზე გააგზავნოთ თქვენი წერილი შეგიძლიათ გამოიყენოთ შემდეგი საკონტაქტო ინფორმაცია ან შემოუერთდეთ ჩვენს მიმართვას“, - აღნიშნავს „ადამიანის უფლებათა პრიორიტეტი“ მიმართვასთან ერთად გავრცელებულ პრეს-რელიზში.

ამ ეტაპზე მიმართვას შეუეთდნენ - ადამიანის უფლებათა ცენტრი, საზოგადოებრივი დამცველი და ახალგაზრდა ადვოკატები. 


Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC