16:18, Thursday, 24.04.2014
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

დეპუტატობის კანდიდატი დაზარალებულებს 3 ათასი ლარის დამატებას დაპირდა

31.07.2012
 
„ერთიანი ნაციონალური მოძრაობიდან“ დუშეთის მაჟორიტარი დეპუტატობის კანდიდატი ზურაბ ოტიაშვილი ზემო მლეთაში მცხოვრებ სტიქიით დაზარალებულ ოჯახებს მთავრობის მიერ თითოეული ოჯახისთვის გამოყოფილ კომპენსაციაზე 3 ათასი ლარის დამატებას დაპირდა.

„რამდენიმე დღის წინ იყო მოსული გამგეობის ხელმძღვანელებთან ერთად. გვითხრა, რომ მთავრობას თითო ოჯახზე 7 ათასი ლარი უკვე გამოყოფილი აქვს, 3 ათას ლარს კი მე დავამატებო. ადგილობრივ ბიუჯეტში მოვიძიეთ თანხები და დაგიმატებთო. თანხა გასაცემად უკვე მზად არის, ბანკში ანგარიშები გახსენით და თითო დაზარალებულ ოჯახს 10 ათასი ლარს ჩაგირიცხავთო. ჩვენ ამ ფულის აღებაზე უარს ვამბობთ მანამ, სანამ ნაკვეთს არ გამოგვიყოფენ სოფელ სეთურებში, რომ სახლის მშენებლობის დაწყება შევძლოთ“, – განუცხადეს მცხეთა – მთიანეთის საინფორმაციო ცენტრს სოფელ ზემო მლეთაში მცხოვრებმა სტიქიით დაზარალებულებმა.
 
მცხეთა – მთიანეთის საინფორმაციო ცენტრი ზურაბ ოტიაშვილს არაერთი მცდელობის მიუხედავად ვერ დაუკავშირდა. ოტიაშვილი სახელისუფლებო პარტიას მაჟორიტარი დეპუტატობის კანდიდატად ჯერ არ წარუდგენია და ის ამ დრომდე დუშეთის მუნიციპალიტეტის საკრებულოს წევრია.
 
კანონით, ამომრჩევლის მოსყიდვა ან მოსყიდვის მცდელობა აკრძალულია და ისჯება. ამასთან, თუ ამომრჩეველმა აღიქვა, რომ პირი, რომელიც ჯერ ოფიციალურად არ არის წარდგენილი კანიდადატად, მაგრამ სარგებელს არჩევნებში მხარდაჭერის მიზნით გასცემს, ესეც დასჯადი ქმედებაა და ამის გამო „ქართული ოცნების“ არაერთი წევრია დასჯილი და დაპატიმრებული.
 
შეგახსენებთ, რომ დუშეთის რაიონის სოფელ ზემო მლეთაში 15 ოჯახი სიცოცხლისთვის მაღალი რისკის ზონაში ცხოვრობს. წვიმების დროს ლომისის მთიდან წამოსული ღვარცოფი მდინარე არაგვს კეტავს და ადიდებული წყალი მოსახლეობას სახლებში უვარდება. გარემოს ეროვნული სააგენტოს გეოლოგიური სამსახურის დასკვნით, ზემო  მლეთაში სტიქიური პროცესების შეჩერება შეუძლებელია. ოჯახები, რომლებსაც წასასვლელი არსად აქვთ, პროგნოზირებულ სტიქიას ქვა-ღორღით ამოვსებულ და საცხოვრებლად გამოუსადეგარ სახლებში ელოდებიან.

მცხეთა-მთიანეთის საინფორმაციო ცენტრი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
თქვენი აზრით, ირღვევა თუ არა წინა ხელისუფლების ყოფილი მაღალჩინოსნების უფლებები?
ირღვევა არ ირღვევა არა ვარ ინფორმირებული მიჭირს პასუხის გაცემა

ბლოგი

მშიერი კომისიის წევრები და გაბრაზებული თავმჯდომარეები ბათუმში
არჩვენებს 2003 წლიდან ვაკვირდები. არც ერთი არჩევნები არ გამომიტოვებია, რასაც ვერ ვიტყოდი ჩემი საარჩევნო ხმის უფლების გამოყენებაზე - ყველა არჩევნებზე, იმის გამო რომ
ვრცლად...
ბეჭედი ნაკვეთურის გარეშე და ორსახელიანი ამომრჩეველი გურიაში
პირველად დამკვირვებლის სტატუსით
არქივი
    

რედაქტორის აზრი

პატიმართა მასობრივი პროტესტის მიზეზები
ბოლო ხანს მედიაში ერთ-ერთი აქტუალური თემაა პატიმართა პროტესტი გეგუთის კოლონიაში. ასობით პატიმარი პროტესტის სხვადასხვა ზომებს მიმართავს და კოლონიის დირექტორის გადაყენებას მოითხოვს. ისინი საპატიმროს
ვრცლად...
შემოდგომის ბუზი
ადამიანის უფლებათა ცენტრი მაღალჩინოსნების სასამართლო პროცესებს დააკვირდება
არქივი
თემები
კატეგორიები

Copyright © 2004 - 2014 HRIDC