პორტალი ადამიანის უფლებების შესახებ

„ჩვენ - არასამთავრობო ორგანიზაციებმა, ექსპერტებმა, პოლიტიკურმა პარტიებმა, თუ რიგითმა მოქალაქეებმა ყველაფერი უნდა გავაკეთოთ, რომ საქართველოში დემოკრატიული არჩევნები ჩატარდეს“, - ასეთი პათოსით შეხვდნენ 1 აგვისტოს დამოუკიდებელ ექსპერტთა კლუბის წევრები  ქუთაისის მედიისა და არასამთავრობო ორგანიზაციის წარმომადგენლებს.  

შეხვედრაზე წინასაარჩვენო პერიოდში, საქართველოში განვითარებულ მოვლენებზე (მედიაზე ზეწოლა, ამომრჩეველთა მოსყიდვა, ხალხის, მოსახლეობის დაშინება და ა.შ) გამახვილდა ყურადღება. დასახელდა არაერთი ფაქტი. 

„დავიწყოთ აქტიურობა ლოზუნგით - „დავეხმაროთ პრეზიდენტს“. გახსოვთ, ალბათ, მიხეილ სააკაშვილის წინასაარჩევნო დაპირება, გასულ არჩევნებში: ,,მე ვიქნები საქართველოში დემოკრატიული არჩევნების ჩატარების და ამ არჩევნებში „ნაციონალური მოძრაობის“ გამარჯვების გარანტი“. მან ამ დაპირების მეორე ნაწილი პირნათლად შეასრულა. პირველი ნაწილის შესასრულებლად კი დახმარება ჭირდება. გამომდინარე იქედან, რომ ჩვენ გვადარდებს მისი პრესტიჟის დაცემის ამბავი, როგორც საქართველოში, ისე მის ფარგლებს გარეთ, მზად ვართ, დავეხმაროთ მას“, - განაცხადა შეხვედრაზე დამოუკიდებელ ექსპერტთა კლუბის წევრმა სოსო ცისკარიშვილმა, რომელმაც ეს განცხადება შემდეგნაირად ახსნა: „მათ ცინიზმს მხოლოდ ირონია შეიძლება დაუპირისპირო“.

შეხვედრაზე, ითქვა, რომ ქვეყანა აბსურდულ ვითარებაშია, საიდანაც გამოსვლა, რეალურად, მხოლოდ  მომავალ არჩევნებზეა დამოკიდებული.

 

შორენა კაკაბაძე, ქუთაისი

დატოვეთ თქვენი კომენტარი

თქვენი სახელი:
თქვენი კომენტარი:

ქართულად
დამცავი კოდი:

    

თქვენი აზრით, პარლამენტის მიერ ცოტა ხნის წინ გათავისუფლებული პოლიტპატიმრები იმსახურებდნენ თუ არა განთავისუფლებას?

უნდა გაეთავისუფლებინათ არ უნდა გაეთავისუფლებინათ მხოლოდ ნაწილი უნდა გაეთავისუფლებინათ მიჭირს პასუხის გაცემა

წინ

არქივი შედეგები