პორტალი ადამიანის უფლებების შესახებ

13 აგვისტოს, 13:00 საათზე, სასტუმრო „შერატონ მეტეხი პალასში“ ადამიანის უფლებათა ცენტრი (HRIDC) აწყობს პრესკონფერენციას თემაზე - „საპარლამენტო არჩევნების გაშუქების მედიამონიტორინგი - 18 ივნისი-29 ივლისის შედეგები“.

ადამიანის უფლებათა ცენტრი მედიამონიტორინგს ახორციელებს ამერიკის საერთაშორისო განვითარების სააგენტოს  (USAID) დაფინანსებული ოთხწლიანი პროექტის - „ნდობის გაზრდა საარჩევნო პროცესებისადმი“  ფარგლებში, რომელსაც ახორციელებს საარჩევნო სისტემების საერთაშორისო ფონდი (IFES)

პროექტის ფარგლებში, ადამიანის უფლებათა ცენტრის მონიტორები აკვირდებიან შემდეგ ტელეარხებზე გასულ ფარულ პოლიტიკურ, სოციალურ და ფასიან პოლიტიკურ რეკლამებს: საზოგადოებრივი მაუწყებელი, „იმედი“, „რუსთავი 2“, „კავკასია“, „მაესტრო“ და „მე-9 არხი“.

მედიამონიტორინგის მიზანია, შეისწავლოს მედიის მიერ წინასაარჩევნო პერიოდში სოციალური და პოლიტიკური რეკლამების გაშუქების ტენდენციები, გამოავლინოს ფარული პოლიტიკური რეკლამები და შეიმუშაოს რეკომენდაციები საარჩევნო გარემოს გაუმჯობესების მიზნით.

პრესკონფერენციაზე წარმოდგენილი იქნება 18 ივნისი - 29 ივლისის საანგარიშო პერიოდის შედეგები.

პრესკონფერენცია უზრუნველყოფილი იქნება სინქრონული თარგმანით ინგლისურ ენაზე.