15:23, Thursday, 05.05.2016
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ლეონიდ თიბილოვი: „ქართული სოფლები, როგორც დასახლებული ტერიტორიები, აღარ იარსებებს“

16.08.2012
ცხინვალთან ახლოს მდებარე ქართულ  სოფლებში დარჩენილ სახლებს დაანგრევენ. სამხრეთ ოსეთის მედიის ინფორმაციით, ამის შესახებ სამხრეთ ოსეთის არაღიარებული რესპუბლიკის პრეზიდენტმა, ლეონიდ თიბილოვმა განაცხადა. აღნიშნული სოფლები ქართული მოსახლეობისგან 2008 წლის აგვისტოს ომის შემდეგ დაიცალა.

როგორც თიბილოვმა განაცხადა, სახლების ადგილას სამრეწველო და სოფლის მეურნეობის ობიექტები განთავსდება. დე-ფაქტო მთავრობა სოფლებისთვის არც ძველი სახელების შენარჩუნებას აპირებს.

„ეს ტერიტორიები, როგორც დასახლებული ადგილები, აღარ იარსებებს“, -აღნიშნა ე.წ. პრეზიდენტმა.

ოსური მედიის ინფორმაციით, სულ საუბარია 8 დასახლებულ პუნქტზე, მათ შორისაა თამარაშენი, ქურთა, კეხვი, აჩაბეთი.

როგორც თიბილოვი აცხადებს, ჯერ სახლები აღებული ბოლომდე არ არის, თუმცა ისინი გეგმავენ, რომ „ის ტერიტორიები, სადაც სახლების ნანგრევებია, იურიდიულად გააფორმონ, რათა ხვალ და ზეგ ვინმეს ჩვენს მიმართ კითხვები არ გაუჩნდეს“.

„სამი-ოთხი წლის შემდეგ ამ ადგილებს ვერც კი იცნობთ. შედარებით დაუნგრეველი სახლები არის თამარაშენში (იქ უკვე აშენდა ახალი მიკრორაიონი „მოსკოვსკი“). კეხვის სამლოცველოს არ შევხებივართ, თუმცა სახლების დიდი ნაწილი უკვე აღებულია“, - განაცხადა დე ფაქტო პრეზიდენტმა.

ქართულ სოფლებში სახლების დანგრევის თაობაზე დე ფაქტო ხელისუფლების გადაწყვეტილებას ევროპასთან ინტეგრაციის საპარლამენტო კომიტეტის თავმჯდომარე, დავით დარჩიაშვილი ოკუპაციის და ანექსიის მორიგ გამოვლინებად აფასებს.

„ეს არის კონკრეტული გამოვლინება ოკუპაციის და ანექსიის, რომელსაც რუსეთი ახორციელებს“, - განუცხადა „ინტერპრესნიუსს“ დეპუტატმა. მისივე თქმით, გარდა იმისა, რომ საერთაშორისო სამართლის ნორმები ირღვევა, „ეს არის ჰუმანიტარული ბოროტება“.

„ადრე თუ გვიან, ეს ყველაფერი დასრულდება და დამნაშავეები პასუხს აგებენ“, - განაცხადა დარჩიაშვილმა და დასძინა, რომ ქართული მხარე დიპლომატიური გზებით გააგრძელებს ბრძოლას, რათა მოხდეს საქართველოს ტერიტორიების დეოკუპაცია.

ინტერპრესნიუსი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
გიორგი კვირიკაშვილის პრემიერ-მინისტრად დანიშვნამ რა გავლენა იქონია ადამიანის უფლებების მდგომარეობაზე?
გაუმჯობესდა გაუარესდა არაფერი შეცვლილა მიჭირს პასუხის გაცემა

ბლოგი

კუდები გვაკვირვებს
ბოლო დღეების განმავლობაში საზოგადოებისთვის თვალშისაცემია კამპანია „ეს შენ გეხებას“ გააქტიურება. კამპანიის ცნობილ მარკაზე გაჩნდა ახალი წარწერა - „ისევ გვისმენენ - ისევ გვითვალთვალებენ“. ეს
ვრცლად...
მოჩვენებითი მშვიდობა ბალკანეთში
მშიერი კომისიის წევრები და გაბრაზებული თავმჯდომარეები ბათუმში
არქივი
  

       

რედაქტორის აზრი

უიმედოთა სოფელი
სამკურნალო წყლის - „ძუღურის“ შესახებ პირველად რამდენიმე დღის წინ შევიტყვე. ინფორმაციის მოძიების შემდეგ გავიგეთ, რომ „ძუღურის წყალი“ ქუთაისში ჯაჭვის ხიდთან იყიდებოდა. იქიდან დაიწყო
ვრცლად...
რა დაემართა სამართლიანობის აღდგენის ოცნებას
პატიმართა მასობრივი პროტესტის მიზეზები
არქივი
თემები
კატეგორიები

Copyright © 2004 - 2016 HRIDC